ەرجان باباقۇماروۆ بالالار ءۇيىنىڭ تاربيەلەنۋشىلەرىنە سپورتتىق قۇرىلعىلار مەن قىسقى كيىمدەر جيىنتىعىن تابىس ەتتى.
الماتىدا ق ر تاۋەلسىزدىگىنىڭ 30 جىلدىعى اياسىندا «جانۇيا» بالالار ءۇيىنىڭ تاربيەلەنۋشىلەرىنە سىيلىقتار تاپسىرۋ ءراسىمى ءوتتى، ولار قالا اكىمدىگىمەن بىرلەسكەن جوبا اياسىندا «Sagadat batyr-QTT» سپورت كلۋبىندا دجيۋ-دجيتسۋمەن تەگىن اينالىسادى، دەپ حابارلايدى Almaty-akshamy.kz
اتالعان شاراعا الماتى قالاسى اكىمىنىڭ ورىنباسارى ەرجان باباقۇماروۆ، ىلە اۋدانى قوعامدىق كەڭەسىنىڭ ءتوراعاسى جانە «Sagadat batyr – QTT» كلۋبىنىڭ قۇرمەتتى پرەزيدەنتى ەربولات تۇرىمبەتوۆ، سونداي-اق دجيۋ-دجيتسۋ جانە گرەپپلينگ بويىنشا الەم چەمپيوناتتارىنىڭ جەڭىمپازدارى مەن جۇلدەگەرلەرى، كلۋبتىڭ جاتتىقتىرۋشىلارى مەن تاربيەلەنۋشىلەرى قاتىستى.
الماتى اكىمدىگىنىڭ قولداۋىمەن سپورت كلۋبى «جانۇيا» بالالار ءۇيىنىڭ تاربيەلەنۋشىلەرىن دجيۋ-دجيتسۋدان جانە گرەپپلينگتەن تەگىن جاتتىقتىرادى. نەگىزگى مىندەت – دەنەشىنىقتىرۋ مەن سپورتتى دامىتۋ، بالالاردىڭ دەنساۋلىعىن نىعايتۋ. بالالار ءۇيىنىڭ تاربيەلەنۋشىلەرى ەكى اي بۇرىن جاتتىعا باستادى، ال ولاردىڭ كەيبىرەۋلەرى جاڭادان كەلگەندەر اراسىندا ءتۋرنيردىڭ جۇلدەگەرى اتاندى.
ەرجان باباقۇماروۆ بالالاردىڭ سپورتقا دەگەن قىزىعۋشىلىعىن وڭ باعالاپ، جارىستاردا ساتتىلىك تىلەدى. «جانۇيا» بالالار ءۇيىنىڭ 20-دان استام تاربيەلەنۋشىلەرى دجيۋ-دجيتسۋ ساباعىنا ارنالعان كيمونو مەن جىلى كيىمدەردىڭ تولىق جيىنتىعىن سىيلىققا الدى.
«كلۋبتا 200-دەن استام سپورتشى جاتتىعادى. كلۋب جانىنان «باقىتتى بولاشاق» قوعامدىق قورىن اشتىق، ونىڭ اياسىندا حالىقتىڭ الەۋمەتتىك وسال توپتارىنان شىققان بالالار ءۇشىن تەگىن ساباقتار، قايىرىمدىلىق اكسيالارىن وتكىزەمىز. الماتى قالاسى اكىمدىگىنىڭ قولداۋىمەن جانە مەسەناتتاردىڭ ارقاسىندا بۇگىن «جانۇيا» بالالار ءۇيىنىڭ 20 بالاسىنا قىسقى سىرت كيىم مەن كيمونو سىيلايمىز. ءبىزدىڭ ماقساتىمىز تاربيەلەنۋشىلەرىمىزدى الەم چەمپيوندارىنا اينالدىرۋ»، - دەپ اتاپ ءوتتى ارالاس جەكپە-جەك پالۋانى، «Sagadat Batyr» كلۋبىنىڭ باس باپكەرى نۇرسۇلتان ورىنباساروۆ.
ايتا كەتەرلىگى، الماتىدا حالىقتى سپورتپەن قامتۋدى كەڭەيتۋ بويىنشا كەشەندى جۇمىستار كەڭىنەن جۇرگىزىلۋدە.
بۇگىندە 4 جاستان 17 جاسقا دەيىنگى 243 مىڭنان استام بالا سپورتپەن شۇعىلدانادى. مەگاپوليستە ءتۇرلى مەنشىك تۇرىندە 3400 نىسان جۇمىس ىستەيدى. بوس ۋاقىتتا سپورتپەن اينالىسۋعا بولاتىن 100 تىنىعۋ ورتالىعى جۇمىس ىستەيدى، وندا 8 مىڭنان استام ادامدى قامتيتىن 36 سپورت سەكسيالارى مەن ۇيىرمەلەرى تەگىن ءارى قولجەتىمدى. بالالاردى تەگىن سپورت سەكسيالارىمەن قامتۋدى كەڭەيتۋ ماقساتىندا جان باسىنا قارجىلاندىرۋ تەتىگى بەلسەندى قولدانىلادى.
مەملەكەتتىك سپورتتىق تاپسىرىس بويىنشا 4 جاستان 18 جاسقا دەيىنگى بالالارعا ارنالعان تەگىن سەكسيالاردا سپورتتىڭ 71 ءتۇرى جۇزەگە اسىرىلادى. مامانداندىرىلعان الەۋمەتتىك مەكەمەلەردە سپورتپەن اينالىسۋعا جاعداي جاساۋ ءۇشىن جۇمىستار جۇرۋدە.