سەيسەنبى كۇنى قىتايدىڭ تەحنولوگيالىق الىبى Alibaba جاساندى ينتەللەكتىنىڭ ءوز گەنەراتيۆتىك مودەلى – ChatGPT چاتبوتى جۇمىس ىستەيتىن تەحنولوگيانىڭ دەربەس نۇسقاسىن تانىستىردى. سونىمەن قاتار ول جاقىن ۋاقىتتا كومپانيانىڭ بارلىق قوسىمشالارىنا ينتەگراسيالاۋ جۇرگىزىلەتىنىن جەتكىزدى. بۇل تۋرالى اlmaty-akshamy.kz قازاقپاراتقا سىلتەمە جاساپ حابارلايدى.
كومپانيادا Tongyi Qianwen چاتبوتىن كوپ كۇتتىرمەي Alibaba ونىمدەرىنە ينتەگراسيالاناتىنىن مالىمدەدى. ءبىراق ونىڭ ناقتى قاي كەزدە جاسالاتىنىن اشىپ ايتپادى. Tongyi Qianwen بوتىنىڭ اتاۋىن «مىڭ سۇراق قويا وتىرىپ، جاۋاپ ىزدەۋ» دەپ اۋدارۋعا بولادى.
Alibaba وسى جىل باسىندا ChatGPT باسەكەلەسىن قۇرۋ بويىنشا جۇمىس ىستەپ جاتقانىن حابارلاعان بولاتىن.
«ءبىز گەنەراتيۆتى جاساندى ينتەللەكت پەن بۇلتتى ەسەپتەۋلەر اكەلگەن شۇعىل وزگەرىستى تەحنولوگيالىق كەزەڭدە تۇرمىز»، - دەپ مالىمدەدى Alibaba ءتوراعاسى جانە باس اتقارۋشى ديرەكتورى دەنيەل چجان Tongyi Qianwenء-دى ىسكە قوسۋعا قاتىستى سويلەگەن سوزىندە.
كومپانيا Tongyi Qianwen اعىلشىن تىلىندە دە، جۇڭگو تىلىندە دە جۇمىس ىستەۋگە قابىلەتتى ەكەنىن، الدىمەن DingTalk – Alibaba-نىڭ حابار الماسۋعا ارنالعان كەڭسەلىك قوسىمشاسى اشىلاتىنىن ايتتى. بوت جۇمىس جينالىستارى مەن كەزدەسۋلەرى كەزىندەگى سوزدەردى جازىپ الادى جانە وقىپ بەرەدى، ىسكەرلىك بەلگىلەر جاسايدى جانە ەلەكتروندىق حاتتار جازادى.
Alibaba-نىڭ بۇلتتى كومپيۋتينگ بولىمشەسى كليەنتتەر وزدەرىنىڭ مامانداندىرىلعان اۋقىمدى تىلدىك مودەلدەرىن جاساۋى ءۇشىن Tongyi Qianwen-گە كىرۋىنە جول اشۋدى جوسپارلاپ وتىر. Tongyi Qianwen پايدالانۋشىلارىن تىركەۋ جۇما كۇنى باستالدى.