العاشقى داۋىس بەرگەن ادام بەلگىلى بولدى

ول توكيودا داۋىس بەرگەن. 

قازاقستان رەسپۋبليكاسىنىڭ جاپونيا مەن كورەيا رەسپۋبليكاسىنداعى ازاماتتارى ق ر پرەزيدەنتىنىڭ كەزەكتەن تىس سايلاۋىندا داۋىس بەرۋ قۇقىعىن العاشقىلاردىڭ ءبىرى بولىپ پايدالاندى، دەپ حابارلايدى Almaty-akshamy.kz Elorda.info سايتىنا سىلەمە جاساپ.

وسىلايشا، توكيو قالاسىندا سايلاۋدا داۋىس بەرگەن العاشقى قازاقستاندىق كاسىپكەر سىرىمبەك تاۋ بولدى.

سايلاۋعا قاتىسۋ - ءاربىر ازاماتتىڭ بورىشى، مەملەكەت الدىنداعى پارىزى دەپ ويلايمىن. ءبىز ءوز تاڭداۋىمىزدى جاساپ، مەملەكەتتىك ىسكە بەلسەندى ارالاسۋىمىز كەرەك. مەنىڭ ويىمشا، مەملەكەتىمىزدىڭ تۇراقتى دامۋى مەن ىرگەسىنىڭ بەرىك بولۋىنا اركىم ءوز ۇلەسىن قوسۋ قاجەت. مىنە، سوندىقتان دا بۇگىن كاسىپكەر رەتىندە توكيودا ىسساپارمەن ءجۇرىپ، ءوز داۋىسىمدى ەل بولاشاعى ءۇشىن بەرۋدى ءجون كوردىم، - دەدى سىرىمبەك تاۋ.

وڭتۇستىك كورەيانىڭ استاناسىنداعى №258 ۋچاسكەگە العاشقى بولىپ قازاقستاندىق يۋريي سوي كەلدى. ول سەۋلدە 5 جىلدان استام ۋاقىت تۇرىپ، كاسىپكەرلىك قىزمەتپەن اينالىسادى.

مەن ءارقاشان قازاقستانداعى جاڭالىقتاردى زور ىقىلاسپەن قاراپ وتىرامىن جانە ەلدەگى وڭ وزگەرىستەردى كورىپ ءجۇرمىن. سوندىقتان بۇگىن قازاقستان رەسپۋبليكاسى پرەزيدەنتىنىڭ سايلاۋىندا داۋىس بەرۋگە شەشىم قابىلدادىم، - دەدى كاسىپكەر.