العاشقى امۋر جولبارىستارى پوپۋلياسيانى قالپىنا كەلتىرۋ ءۇشىن ىلە-بالقاش رەزەرۆاتىنا جەتكىزىلدى
قىركۇيەك ايىندا ەكولوگيا جانە تابيعي رەسۋرستار ءمينيسترى ەرلان نىسانبايەۆ العاشقى جولبارىستاردى ايدىڭ سوڭىنا دەيىن نيدەرلاندتان جەتكىزىلەتىنىن ايتقان بولاتىن، دەپ حابارلايدى aqshamnews.kz
جولبارىستار ءقازىردىڭ وزىندە قازاقستاندا. بۇگىن ەكولوگيا مينيسترلىگى ولاردىڭ كادرلارىمەن ءبولىستى. «ۆەچەرنيايا كاراگاندا» دا العاشقى جولبارىستاردى بەينەلەگەن قىزىقتى روليك جاريالادى. باسىلىمنىڭ حابارلاۋىنشا، ىلە-بالقاش رەزەرۆاتىندا ەركەك پەن ۇرعاشى جولبارىستار جەتكىزىلدى.
قازاقستان، رەسەي جانە شۆەيساريانىڭ بىرلەسكەن ەكسپەديسياسىنىڭ ناتيجەسىندە دۇنيەجۇزىلىك جابايى تابيعات قورى (WWF) جوباسى اياسىندا تۇران جولبارىسىن ورتالىق ازيادا قالپىنا كەلتىرۋ ءۇشىن ەڭ قولايلى ورىن رەتىندە بالقاشتىڭ وڭتۇستىك جاعالاۋى (ىلە ساعاسى جانە ونىڭ شىعىسىنا قاراي اۋماق) تاڭدالدى، – دەپ حابارلادى قازاقستاننىڭ ەكولوگيا مينيسترلىگى.
مينيسترلىكتىڭ مالىمەتىنشە، بولاشاقتا ىلە-بالقاش رەزەرۆاتىنا جىرتقىشتار پوپۋلياسياسىن 100-گە دەيىن ارتتىرۋ مۇمكىندىگى بار. بۇل قازاقستاننىڭ جولبارىستى قالپىنا كەلتىرۋدىڭ جاھاندىق باعدارلاماسىنا قوسقان ۇلەسى بولماق.
ەرلان نىسانبايەۆتىڭ ايتۋىنشا، 2025 جىلى رەسەيدەن تاعى ءتورت جولبارىستى جەتكىزۋ جوسپارلانۋدا.