العاش رەت كارتوپ يمپورتى ەكسپورتتان استى

الدىن الا دەرەكتەر بويىنشا، كارتوپتىڭ ەگىس الاڭى 198،9 مىڭ گەكتاردى قۇرادى.

بۇل ءبىر جىل بۇرىنعىعا قاراعاندا 1،9%-عا كوپ، دەپ حابارلايدى Almaty-akshamy.kz Elorda.info-عا سىلتەمە جاساپ.

Energyprom.kz ساراپشىلارىنىڭ مالىمەتىنشە، ەڭ جوعارى كورسەتكىش سولتۇستىك قازاقستان وبلىسىندا بايقالدى. كوشباسشىلار ۇشتىگىندە الماتى جانە پاۆلودار وبلىستارى دا بار.شىلدە ايىندا كارتوپتىڭ ءبىر كەلىسى 182 تەڭگەنى قۇرادى. بۇل ءبىر جىل بۇرىنعىعا قاراعاندا 4،2% - عا ارتىق. اتىراۋ وبلىسىنىڭ تۇرعىندارى باعانىڭ ءوسۋىن بىردەن 43%-عا سەزىندى. انتيليدەرلەر ۇشتىگىندە ماڭعىستاۋ جانە قوستاناي وبلىستارى دا بار.ەلدىڭ 8 ايماعىندا كارتوپتىڭ قۇنى تومەندەدى. وتكەن جىلدىڭ شىلدە ايىمەن سالىستىرعاندا ەڭ ارزان باعا  شىعىس قازاقستان وبلىسىندا تىركەلدى. ءىرى قالالار اراسىندا كارتوپتىڭ ەڭ جوعارى قۇنى اقتاۋ، اتىراۋ جانە نۇر-سۇلتان قالالارىندا، ال ەڭ تومەنگىسى — قاراعاندىدا تىركەلدى.

ءبىرىنشى توقسانىندا كارتوپتىڭ ورتاشا تۇتىنىلۋى جان باسىنا شاققاندا 11،4 كگ قۇرادى-بۇل ءبىر جىل بۇرىنعىعا قاراعاندا 1،3%-عا از. پاۆلودار، اقمولا جانە قوستاناي وبلىستارىنىڭ تۇرعىندارى دا كارتوپتى ءجيى تۇتىنادى. تۇتىنۋدىڭ ەڭ تومەنگى دەڭگەيى شىمكەنتتە تىركەلدى: 9 كگ كارتوپ.

2021 جىلى كارتوپ جيناۋ مەن ونىمدىلىگىنىڭ ارتۋىنا قاراماستان، ءبىرىنشى جارتىجىلدىقتا كارتوپ يمپورتى العاش رەت ەكسپورتتان اسىپ ءتۇستى: 4،7 ەسە. بۇل رەتتە بۇرىن ەكسپورت ءارقاشان يمپورتتان اسىپ تۇسەتىن.