مۇگەدەكتىگى بار ادامداردىڭ مۇددەلەرىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قىزمەتتەر پورتالىندا ورنالاستىرىلاتىن تەحنيكالىق قۇرالداردى جانە وڭالتۋ قىزمەتتەرىن بەرۋشىلەرگە قويىلاتىن تالاپتاردى كۇشەيتۋدى جوسپارلاپ وتىر.
ءتيىستى بۇيرىقتارعا وزگەرىستەر جوباسى «اشىق نقا» پورتالىندا ورنالاستىرىلعان، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
اتاپ ايتقاندا، قىزمەتتەردى الۋشىعا تاۋاردى ۋاقتىلى جەتكىزۋدى قامتاماسىز ەتۋ ءۇشىن بۇيرىق جوباسىندا جەتكىزۋشىنىڭ الەۋمەتتىك قىزمەتتەر پورتالى ارقىلى وتكىزىلەتىن تاۋاردى جەتكىزۋ ءۇشىن كۋرەرلىك قىزمەتكە 3 جۇمىس كۇنى ىشىندە بەرۋ مەرزىمىن بەلگىلەۋ كوزدەلەدى.
الەۋمەتتىك قىزمەتتەر پورتالىندا تەحنيكالىق كومەكشى (كومپەنساتورلىق) قۇرالداردىڭ، ارناۋلى ءجۇرىپ-تۇرۋ قۇرالدارىنىڭ جانە مۇگەدەكتىگى بار ادامدارعا كورسەتىلەتىن قىزمەتتەردىڭ سىنىپتاۋىشىنا سايكەس كەلمەيتىن تاۋارلاردىڭ جانە/نەمەسە كورسەتىلەتىن قىزمەتتەردىڭ وتكىزىلۋىن بولدىرماۋ ماقساتىندا الەۋمەتتىك قىزمەتتەر پورتالىندا قوسىمشا شارتتاردى، اكسيالاردى، تاۋارلاردى جانە اقشالاي سىياقىلاردى ورنالاستىرۋ بويىنشا شەكتەۋلەر كوزدەلگەن.
مۇگەدەكتىگى بار ادامداردىڭ الەۋمەتتىك قىزمەتتەر پورتالىندا قاجەتتى وتق تاڭداۋىنا ىڭعايلى بولۋ ءۇشىن ءونىم بەرۋشى تاۋاردى قايتا ورنالاستىرا المايدى.
بۇدان باسقا، قىزمەت كورسەتۋدىڭ اشىقتىعىن قامتاماسىز ەتۋ ماقساتىندا بۇيرىق جوباسىندا مۇگەدەكتىگى بار ادامنىڭ ساناتورييلىك-كۋرورتتىق ۇيىمعا كەلگەن كۇنىن بەلگىلەۋ تەتىگى قاراستىرىلعان.
جوبانى قابىلداۋ مۇگەدەكتىگى بار ادامداردىڭ قۇقىقتارىن قامتاماسىز ەتۋگە جانە ءومىر ءسۇرۋ ساپاسىن جاقسارتۋعا ىقپال ەتەتىن بولادى.
ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ «قازاقستان رەسپۋبليكاسى پرەمەر-مينيسترىنىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 30 ماۋسىمداعى № 283 بۇيرىعىنا وزگەرىستەر مەن تولىقتىرۋلار ەنگىزۋ تۋرالى «مۇگەدەكتىگى بار ادامدى ابيليتاسيالاۋدىڭ جانە وڭالتۋدىڭ جەكە باعدارلاماسىنا سايكەس مۇگەدەكتىگى بار ادامدار مەن مۇگەدەكتىگى بار بالالارعا ساناتورييلىك-كۋرورتتىق ەمدەۋدى ۇسىنۋ قاعيدالارىن بەكىتۋ تۋرالى» جانە «تاۋارلاردى جانە (نەمەسە) كورسەتىلەتىن قىزمەتتەردى بەرۋشىلەردى الەۋمەتتىك كورسەتىلەتىن قىزمەتتەر پورتالىندا تىركەۋ نەمەسە ولاردى تىركەۋدەن شىعارۋ، سونداي-اق تاۋارلاردى جانە (نەمەسە) كورسەتىلەتىن قىزمەتتەردى الەۋمەتتىك كورسەتىلەتىن قىزمەتتەر پورتالىنا جىبەرۋ قاعيدالارىن بەكىتۋ تۋرالى» قازاقستان رەسپۋبليكاسى پرەمەر-مينيسترىنىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 30 ماۋسىمداعى № 285 بۇيرىعىنىڭ جوباسىمەن مىنا سىلتەمە بويىنشا تانىسۋعا بولادى: https://legalacts.egov.kz/npa/view؟id=14998667