الەۋمەتتىك قىزمەتكەرلەردىڭ جالاقىسى قايتا قارالادى

سونىمەن قاتار 2025 جىلدان باستاپ الەۋمەتتىك قىزمەتكەرلەر رەەسترى جاسالادى.

الەۋمەتتىك قىزمەتكەرلەرگە ارنالعان جاڭا كاسىبي ستاندارت جوباسى قۇراستىرىلىپ بولدى، ءقازىر تالقىلانىپ جاتىر، دەپ حابارلايدى Almaty-akshamy.kz

بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى نازگۇل ساعىندىقوۆا الەۋمەتتىك جۇمىس مەكتەپتەرىنىڭ ۇلتتىق قاۋىمداستىقتارىنىڭ 4ء-شى ورتالىق ازيا (استانا) فورۋمىندا ايتتى.

"كاتەگورياسى، كۆاليفيكاسيا دەڭگەيى مەن كورسەتىلەتىن قىزمەتتىڭ تۇرىنە قاراي الەۋمەتتىك جۇمىسكەرلەرگە جالاقى تولەۋ جۇيەسى قايتا قارالادى. بۇل باعىتتا ق ر ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قىزمەتكەرلەردىڭ ۇلتتىق اليانسىمەن تىكەلەي بايلانىستا. الەۋمەتتىك قىزمەتكەرلەرگە ارنالعان جاڭا كاسىبي ستاندارت جوباسى قۇراستىرىلىپ بولدى، ءقازىر تالقىلانىپ جاتىر"، — دەدى نازگۇل ساعىندىقوۆا.

سونىمەن قاتار 2025 جىلدان باستاپ الەۋمەتتىك قىزمەتكەرلەر رەەسترى جاسالادى. وندا جۇمىسكەردىڭ كۆاليفيكاسياسى، قىزمەتتەرىنىڭ تۇرلەرى مەن ساپاسى جايلى تولىق ماعلۇمات بەرىلەدى.

"وسى جىلدىڭ 1 شىلدەسىنەن باستاپ الەۋمەتتىك قورعاۋ ينسپەكتورلارى ءوز جۇمىسىن باستادى. ولار مۇگەدەكتىگى بار ادامداردى الەۋمەتتىك قورعاۋمەن، الەۋمەتتىك، زەينەتاقىلىق قىزمەتتەردىڭ ورىندالۋىن قاداعالايدى. وعان قوسا الەۋمەتتىك قىزمەتتەر پورتالى ىسكە قوسىلدى، قازان ايىندا پورتالدىڭ سمارتفوندارعا ارنالعان قوسىمشا نۇسقاسى جاسالدى"، — دەدى ۆيسە-مينيستر.

بۇگىن ەلىمىزدىڭ 12 اۋدانىندا مۇگەدەكتىگى بار ادامدار ءۇشىن جاڭا وڭالتۋ ورتالىقتارى سالىناتىنى حابارلاندى.

"قازاقستاننىڭ 6 ايماعىندا ارنايى الەۋمەتتىك قىزمەتتەر كورسەتەتىن پيلوتتىق جوبا قولعا الىندى. سەمەي مەن تاراز قالالارىندا زاماناۋي وڭتالاندىرۋ ورتالىقتارى اشىلدى، وندا ۇلكەندەر دە، بالالار دا وزدەرىنە قاجەتتى قىزمەتتى الا الادى. ەلىمىزدىڭ تاعى 12 اۋدانىندا مۇگەدەكتىگى بار ادامدار ءۇشىن جاڭا وڭالتۋ ورتالىقتارى سالىنباق"، — دەپ حابارلادى مينيسترلىك وكىلى.

رەسپۋبليكادا بارلىعى 900 ۇيىم ارنايى الەۋمەتتىك قىزمەتتەر كورسەتۋمەن اينالىسادى. 2025 جىلدان باستاپ جاڭا الەۋمەتتىك كودەكس اياسىندا ادام باسىنا شاققانداعى قارجىلاندىرۋ جۇيەسى ەنگىزىلەدى. ال ۇيىمداردىڭ بارلىق قارجىسىن رەسپۋبليكالىق دەڭگەيدە ءبىر ارناعا شوعىرلاندىرۋ جوسپارلانىپ وتىر.