ق ر الەۋمەتتىك كودەكسىنىڭ كۇشىنە ەنۋىمەن وسى جىلدىڭ 1 شىلدەسىندە ەلىمىزدە قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەتىن مەملەكەتتىك الەۋمەتتىك قورعاۋ ينسپەكتورلارى ينستيتۋتى ەنگىزىلدى.
وسى كەزەڭدە الەۋمەتتىك ينسپەكتورلار 851 تەكسەرۋ جۇرگىزدى، ونىڭ 434ء-ى پروفيلاكتيكالىق باقىلاۋ شەڭبەرىندە، 417ء-سى جوسپاردان تىس تەكسەرۋلەر بولدى، دەپ حابارلايدى Almaty-akshamy.kz cالا مينيسترلىگىنە سىلتەمە جاساپ.
مەملەكەتتىك باقىلاۋمەن: 303 مەملەكەتتىك مەكەمە جانە جەرگىلىكتى اتقارۋشى ورگانداردىڭ وبلىستىق، اۋداندىق بولىمدەرى؛ 247 مەكتەپ، كوللەدجدەر مەن بالاباقشالار؛ 69 ارناۋلى الەۋمەتتىك قىزمەتتەر كورسەتۋ ورتالىعى؛ 29 دۇكەن؛ 29 ساۋدا ورتالىقتارى، ساۋدا ۇيلەرى مەن سۋپەرماركەتتەر؛ 15 ساناتوريي؛ 101 ەمحانا، اۋرۋحانالار مەن ءدارىحانالار؛ 8 بالالار ءۇيى مەن سابيلەر ۇيلەرى؛ 7 حالىققا قىزمەت كورسەتۋ ورتالىعى؛ 2 بانك فيليالى؛ 6 قازپوشتا جانە قازاقتەلەكوم بولىمشەلەرى؛ 7 ج ش س؛ 4 سپورت ۇيىمى؛ 4 سوتتار؛ 5 كافە؛ 2 شاشتاراز؛ 1 كىتاپحانا؛ 1 مۇراجاي جانە ت. ب. قامتىلدى.
ماسەلەن، ەڭبەك جانە الەۋمەتتىك قورعاۋ كوميتەتىنىڭ شىعىس قازاقستان وبلىسى بويىنشا دەپارتامەنتى وسكەمەن قالاسىنىڭ مامانداندىرىلعان بالالار ۇيىندە مۇگەدەكتىگى بار ادامدارعا قولجەتىمدىلىكتى قامتاماسىز ەتۋ ماسەلەسى بويىنشا جوسپاردان تىس تەكسەرۋ جۇرگىزدى. تەكسەرۋ ناتيجەلەرى بويىنشا لاۋازىمدى ادامدارعا انىقتالعان بۇزۋشىلىقتاردى جويۋ تۋرالى نۇسقاما بەرىلىپ، سونداي-اق اكىمشىلىك جاۋاپكەرشىلىك شارالارى قابىلداندى.
ەڭبەك جانە الەۋمەتتىك قورعاۋ كوميتەتىنىڭ باتىس قازاقستان وبلىسى بويىنشا دەپارتامەنتى كرۋگلووزەرنىي ارناۋلى الەۋمەتتىك قىزمەت كورسەتۋ ورتالىعىنا جوسپاردان تىس تەكسەرۋ جۇرگىزدى. تەكسەرۋ بارىسىندا قىزمەت كورسەتۋ ساپاسى بويىنشا بۇزۋشىلىقتار انىقتالدى، ورتالىق باسشىلىعى اكىمشىلىك جاۋاپكەرشىلىككە تارتىلدى، انىقتالعان بۇزۋشىلىقتاردى جويۋ تۋرالى نۇسقاما بەرىلدى.
ق ر ەحاقم ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرى 2023 جىلدىڭ 9 ايىندا 1 268 تەكسەرۋ جۇرگىزدى، انىقتالعان بۇزۋشىلىقتاردى جويۋ تۋرالى 875 ۇيعارىم بەرىپ، جالپى سوماسى 74 ملن تەڭگەدەن استام سوماعا 338 ايىپپۇل سالدى.