قىمباتتاۋدىڭ كوشىن باستاپ تۇرعان پيازدىڭ باعاسى 4،2%-عا ارتقان.
بۇل - 2023 ج. اقپانىنان بەرى ەڭ جوعارى كورسەتكىش، دەپ حابارلايدى Almaty-akshamy.kz ۇلتتىق ستاتيستيكا بيۋروسىنىڭ مالىمەتىنە سىلتەمە جاساپ.
23-30 ءساۋىر ارالىعىندا پياز، كارتوپ، قىرىققابات جانە ءسابىزدىڭ باعاسى كوتەرىلدى.
ەكىنشى ورىندا 2،2%-عا قىمباتتاعان كارتوپ تۇر. قازىرگى قارقىنى - 2023 ج. ماۋسىمىنىڭ اياعىنان بەرى ەڭ جوعارىسى.
قىرىققابات باعاسى 1،8%-عا وسكەن.
ءسابىز تەك 0،3%-عا قىمباتتاعان. دەسە دە، بۇعان دەيىن ءۇش اپتا قاتارىنان باعاسى ورتا ەسەپپەن 1،3%-عا كوتەرىلگەن.
بۇل جاعدايدىڭ سەبەبى - ماۋسىمارالىق كەزەڭ. قازاقستان ءوزىن جەتكىلىكتى تۇردە بازالىق كوكونىستەرمەن قامتاماسىز ەتە الادى. ءبىراق قاجەتتى كليماتتىق جابدىقتارمەن جابدىقتالعان كوكونىس قويمالارىنىڭ تاپشىلىعىنان زارداپ شەگەدى. سول سەبەپتى كۇزدە جينالعان ءونىم كۇن جىلىعاندا بۇزىلا باستايدى. سايكەسىنشە، ۇسىنىستار ازايىپ، باعالارى قىمباتتاي باستايدى.