قازىرگى تاڭدا ءدال وسىنداي 16 ازامات اكىمشىلىك جاۋاپكەرشىلىككە تارتىلعان.
بۇدان بولەك 30 ءىس سوتتىڭ قاراۋىنا جولدانسا، تاعى 35 فاكتى بويىنشا تەكسەرىس ءجۇرىپ جاتىر. ايتا كەتەيىك، الەۋمەتتىك جەلىدە جۇرتتى جەلپىندىرىپ، لوتەرەيا وتكىزەتىندەرمەن كۇرەس ەلىمىزدە العاش رەت قولعا الىنىپ وتىر، دەپ حابارلايدى almaty-akshamy.kz 24.kz-كە سىلتەمە جاساپ.
ال جىل باسىنان بەرى قونايەۆ قالاسىندا زاڭسىز جۇمىس ىستەپ كەلگەن لوتەرەيا وپەراتورى انىقتالعان. وعان 8 ميلليون تەڭگە كولەمىندە ايىپپۇل سالىندى. سونداي-اق 1 بۋكمەكەرلىك كەڭسە ليسەنزياسىنان ايىرىلىپ، 2 ويىن اۆتوماتى زالىنىڭ قىزمەتى توقتاتىلدى. بىلتىر ءدال وسىنداي 14 بۋكمەكەرلىك كەڭسە، 8 توتاليزاتور جانە 1 ويىن اۆتوماتى زالىنىڭ قۇيتىرقى ارەكەتى اشكەرە بولدى.