الەۋمەتتىك ينسپەكتورلار حالىقتىڭ الەۋمەتتىك وسال توپتارىنىڭ قۇقىقتارىن قورعاۋ ماقساتىندا 347-دەن استام تەكسەرۋ جۇرگىزدى
ق ر الەۋمەتتىك كودەكسىنىڭ كۇشىنە ەنۋىمەن وسى جىلدىڭ 1 شىلدەسىندە ەلىمىزدە قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەتىن مەملەكەتتىك الەۋمەتتىك قورعاۋ ينسپەكتورلارى ينستيتۋتى ەنگىزىلدى. وسى كەزەڭدە الەۋمەتتىك ينسپەكتورلار 347 تەكسەرۋ جۇرگىزىپ، ونىڭ 151ء-ى پروفيلاكتيكالىق باقىلاۋ شەڭبەرىندە، 196-cى جوسپاردان تىس تەكسەرۋلەر بولدى.
مەملەكەتتىك باقىلاۋمەن: 54 مەكتەپ، كوللەدجدەر مەن بالاباقشالار، 44 جەرگىلىكتى اتقارۋشى ورگانداردىڭ وبلىستىق جانە اۋداندىق بولىمدەرى، 65 باسقارما جانە جۇمىسپەن قامتۋ بولىمدەرى، 15 دۇكەن، 5 ساۋدا ورتالىعى، 16 مەديسينالىق-الەۋمەتتىك مەكەمە، 9 ەمحانا، اۋرۋحانا جانە ءدارىحانا، 5 حالىقتى تالقىلاۋ ورتالىعى، 2 بانك بولىمشەسى، 3 قازپوشتا بولىمشەسى، 3 كاسىپورىن، 1 فيتنەس-كلۋب، 4 ساناتوريي، 2 كافە، 2 شاشتاراز جانە ت. ب. قامتىلدى.
ماسەلەن، ەڭبەك جانە الەۋمەتتىك قورعاۋ كوميتەتىنىڭ قوستاناي وبلىسى بويىنشا دەپارتامەنتى جۇرگىزگەن جوسپاردان تىس تەكسەرۋلەر ناتيجەسىندە ليساكوۆ ارناۋلى الەۋمەتتىك قىزمەتتەر كورسەتۋ ورتالىعىندا ارناۋلى الەۋمەتتىك قىزمەتتەردى ساپاسىز ۇسىنۋ جانە Small ساۋدا وبەكتىلەرىندە كورۋ فۋنكسيالارى بۇزىلعان ادامدار ءۇشىن اقپاراتتىق قۇرالداردىڭ بولماۋى فاكتىلەرى انىقتالدى. تەكسەرۋ ناتيجەسىندە انىقتالعان بۇزۋشىلىقتاردى جويۋ تۋرالى نۇسقاما بەرىلدى، سونداي-اق اكىمشىلىك جاۋاپكەرشىلىك شارالارى قابىلداندى.
ەڭبەك جانە الەۋمەتتىك قورعاۋ كوميتەتىنىڭ الماتى وبلىسى بويىنشا دەپارتامەنتى «ازاماتتارعا ارنالعان ۇكىمەت» مك» كەاق فيليالىنىڭ تالعار اۋداندىق جەر كاداسترى جانە تىركەۋ بولىمىنە تەكسەرۋ جۇرگىزدى. تەكسەرۋ ناتيجەلەرى بويىنشا لاۋازىمدى ادامعا انىقتالعان بۇزۋشىلىقتاردى جويۋ تۋرالى نۇسقاما بەرىلدى، سونداي-اق اكىمشىلىك جاۋاپكەرشىلىك شارالارى قابىلداندى.
بۇدان بۇرىن حابارلانعانداي، مەملەكەتتىك الەۋمەتتىك ينسپەكتورلار ينستيتۋتى ەنگىزىلگەنگە دەيىن ق ر ەحاقم ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرى 2023 جىلدىڭ 1 جارتىجىلدىعىندا 750 تەكسەرۋ جۇرگىزدى، انىقتالعان بۇزۋشىلىقتاردى جويۋ تۋرالى 533 ۇيعارىم بەرىلدى، 44 ملن تەڭگەدەن استام سوماعا 233 ايىپپۇل سالىندى.