ق ر الەۋمەتتىك كودەكسى كۇشىنە ەنگەلى 2023 جىلعى 1 شىلدەدە ەلىمىزدە قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەتىن مەملەكەتتىك الەۋمەتتىك قورعاۋ ينسپەكتورلارى ينستيتۋتى ەنگىزىلدى.
وتكەن جىلى الەۋمەتتىك ينسپەكتورلار بارلىعى 1 127 تەكسەرۋ جۇرگىزدى، ونىڭ 551ء-ى پروفيلاكتيكالىق باقىلاۋ شەڭبەرىندە، 476-سى جوسپاردان تىس تەكسەرۋلەر بولدى، دەپ حابارلايدى Almaty-akshamy.kz.
مەملەكەتتىك باقىلاۋمەن: جەرگىلىكتى اتقارۋشى ورگانداردىڭ مەملەكەتتىك مەكەمەلەرى مەن وبلىستىق، اۋداندىق بولىمدەرى – 329؛ مەكتەپتەر، كوللەدجدەر، بالاباقشالار – 261؛ ارناۋلى الەۋمەتتىك قىزمەتتەر كورسەتۋ ورتالىقتارى – 71؛ دۇكەندەر – 34؛ ساۋدا ورتالىقتارى، ۇيلەر، سۋپەرماركەتتەر – 31؛ ساناتورييلەر – 15؛ ەمحانالار، اۋرۋحانالار، ءدارىحانالار – 116؛ بالالار ۇيلەرى مەن بالالار ۇيلەرى – 9؛ حالىققا قىزمەت كورسەتۋ ورتالىقتارى – 7؛ بانك فيليالدارى – 2؛ قازپوشتا جانە قازاقتەلەكوم بولىمشەلەرى – 6؛ ج ش س – 7؛ سپورت ۇيىمدارى – 5؛ سوتتار – 4؛ كافە – 5؛ شاشتارازدار – 2؛ كىتاپحانا – 1؛ مۇراجاي – 1 جانە ت. ب.قامتىلدى.
ماسەلەن، ەڭبەك جانە الەۋمەتتىك قورعاۋ كوميتەتىنىڭ تۇركىستان وبلىسى بويىنشا دەپارتامەنتى شىمكەنت قالاسى تۇرعىنىنىڭ (ءبىرىنشى توپ مۇگەدەكتىگى بار ادام) ءوتىنىشى نەگىزىندە تۇركىستان وبلىسى بويىنشا سانيتاريالىق-ەپيدەميولوگيالىق باقىلاۋ دەپارتامەنتىنە، «ۇلتتىق ساراپتاما جانە سەرتيفيكاتتاۋ ورتالىعى» شجق رمك جانە «بىركولىك» وڭالتۋ ساۋىقتىرۋ كەشەنى» جشس-گە قاتىستى وسى وبەكتىلەرگە قولجەتىمدىلىك ماسەلەسى بويىنشا جوسپاردان تىس تەكسەرۋلەر جۇرگىزدى. تەكسەرۋ ناتيجەلەرى بويىنشا لاۋازىمدى ادامدارعا انىقتالعان بۇزۋشىلىقتاردى جويۋ تۋرالى نۇسقاما ەنگىزىلدى، سونداي-اق اكىمشىلىك جاۋاپكەرشىلىك شارالارى قابىلداندى.
ەڭبەك جانە الەۋمەتتىك قورعاۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتى «شال اقىن اۋدانىنىڭ ءبىلىم ءبولىمى» كمم جانە «نوۆوپوكروۆكا اۋىلدىق وكرۋگى اكىمىنىڭ اپپاراتى» كمم-دە وسى وبەكتىلەردىڭ قولجەتىمدىلىگى ماسەلەسى بويىنشا جوسپاردان تىس تەكسەرۋ جۇرگىزدى. تەكسەرۋ ناتيجەلەرى بويىنشا لاۋازىمدى ادامدارعا انىقتالعان بۇزۋشىلىقتاردى جويۋ تۋرالى نۇسقاما بەرىلىپ، سونداي-اق اكىمشىلىك جاۋاپكەرشىلىك شارالارى قابىلداندى.
سونىمەن قاتار وڭىرلەردەگى الەۋمەتتىك ينسپەكتورلار مۇگەدەكتىگى بار ادامداردىڭ زاڭدى قۇقىقتارىن قامتاماسىز ەتۋ ءۇشىن الەۋمەتتىك ينفراقۇرىلىم وبەكتىلەرىنىڭ بەيىمدەلۋ ءىس-شارالارىن جۇرگىزۋدە وڭ ديناميكانى اتاپ ءوتتى.
«اقمولا وبلىسىندا وبەكتىلەردىڭ قولجەتىمدىلىگى مەن جارامدىلىعىنا تۇراقتى نەگىزدە مونيتورينگ جۇرگىزىلەدى. جالپى كوكشەتاۋ قالاسى بويىنشا مۇگەدەكتىگى بار ادامدار ءۇشىن ورتانىڭ قولجەتىمدىلىگى جاقسارادى، جايلىلىق جاسالۋدا. وبەكتىلەردىڭ يەلەرى حالىقتىڭ وسى ساناتى الدىنداعى الەۋمەتتىك جاۋاپكەرشىلىكتى تۇسىنەدى جانە ولاردى قنجە تالاپتارىنا سايكەس كەلتىرىپ جاتىر. ماسەلەن، اۋەلبەكوۆ كوشەسى، 94 مەكەنجايىنداعى № 1 قالالىق ەمحاناعا بارعان كەزدە كىرەبەرىس ەسىكتەردىڭ اۋىستىرىلعانىن، سانيتارلىق-تۇرمىستىق بولمەنىڭ بەيىمدەلگەنىن بايقاۋعا بولادى. مەملەكەتتىك قىزمەتتەردىڭ بارلىق ءتۇرىن الۋعا بولاتىن كوكشەتاۋ قالاسىنىڭ حقكو-تارى دا بەيىمدەلدى. «كوكشەتاۋ» جانە «دوستار» مادەنيەت ۇيلەرىندەگى قولجەتىمدىلىك كوڭىلگە قۋانىش ۇيالاتادى»، – دەدى اقمولا وبلىسىنىڭ تۇرعىنى، ءبىرىنشى توپتاعى مۇگەدەك رامازان مۇقاتايەۆ.
«كوكشەتاۋ قالاسىنىڭ مەملەكەتتىك مەكەمەلەرىندە قولايلى جاعدايلار جاسالۋدا: پاندۋستار بار، دارەتحانا بولمەلەرى تۇتقالارمەن جابدىقتالعان، ناشار كورەتىندەرگە تاكتيلدى قۇرالدار ورناتىلۋدا. جاڭا كوپقاباتتى ۇيلەر پاندۋستارمەن، كوتەرگىشتەرمەن، ليفتتەرمەن سالىنۋدا. «كريستالل»، «سويۋز»، «ريو»، «رۋبين»، «ورتالىق بازار» ساۋدا ۇيلەرىندە كەدەرگىسىز ورتا قالىپتاسقان. كوپتەگەن كاسىپكەرلەر ولاردان ۇلگى الۋى كەرەك»، – دەيدى ءبىرىنشى توپتاعى مۇگەدەكتىگى بار ليليا حارلاموۆا.
سونىمەن قاتار، ق ر ەڭبەكمينى ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرى 2023 جىلى 1 783 تەكسەرۋ جۇرگىزىپ، انىقتالعان بۇزۋشىلىقتاردى جويۋ تۋرالى 1 171 ۇيعارىم بەردى، 98،4 ملن تەڭگەدەن استام سوماعا 467 ايىپپۇل سالىندى.