الەۋجەلىدە ءارتۇرلى پىكىر بار

باس ءمۇفتي TikTok-تا قاتە ۋاعىز ايتاتىن يمامدارعا ەسكەرتۋ جاسادى.

الەۋمەتتىك جەلىدە حالىقتىڭ سۇراقتارىنا جاۋاپ بەرىپ وتىراتىن ءدىن قىزمەتكەرلەرى تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى Qasqa Jol Youtube ارناسىندا جۋرناليست اباي سەيفۋللاعا بەرگەن سۇحباتىندا ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ. 

«ءقازىر TikTok-تا تىكەلەي ەفيردە وتىراتىن يمامدار تانىمال. كەيدە قيىس كەتىپ جاتسا، ءبىرىن-بىرى تۇزەپ جاتادى. وسى ۇستازداردىڭ ءبارىن ءدىني باسقارما باقىلاي ما؟» -  دەپ سۇرادى جۇرگىزۋشى.

«ءقازىر بىلىكتى ۇستازدارىمىز، عالىمدارىمىز كوبەيىپ كەلەدى. كەيدە ءيا، شاتاسىپ تا جاتادى. ءبىراق شاريعاتتا بۇل شاتاسۋعا بولادى دەگەن ءسوز ەمەس. وسىنى ۇمىتپاۋ كەرەك. ءدىني باسقارما ءار كەزدە دە مۇنى يمامدارعا، ۇستازدارعا ەسكەرتىپ وتىرادى. «بايقاڭىزدار، اسىعىستىق جاساماڭىزدار، بىلەتىن دۇنيەنى ايتىڭىزدار. بىلمەيتىن بولساڭىز، كەيىنگە قالدىرىپ، انىقتاپ بارىپ ايتىڭىزدار» دەپ ەسكەرتىپ وتىرامىز. حالىققا اللانىڭ قۇرانىن قاتە ايتساق، ول قۇدايدىڭ اماناتىنا قيانات قىلعانىمىز. پايعامبار سۇننەتىن دە قاتە ايتپاۋ كەرەك. ەڭ دۇرىسى – بىلمەگەنىڭدى بىلمەيمىن، انىقتاپ، كەيىن ايتىپ بەرەيىن دەۋ»، - دەپ ايتتى ناۋرىزباي تاعان ۇلى.

ونىڭ سوزىنشە، يمامدار ءدىني باسقارماعا شاقىرىلىپ، ولارعا ناسيحات جۇرگىزىلەدى.