جۋىردا Condé Nast Traveler جۋرنالى ءوزىنىڭ بەدەلدى جىل سايىنعى Readers’ Choice Awards پرەمياسىنىڭ بيىلعى ناتيجەلەرىن جاريالادى. ونىڭ ناتيجەسى بويىنشا، العاش رەت قازاقستان تاريحىندا The Ritz-Carlton، Astana الەمنىڭ ەڭ ۇزدىك 50 ءقوناقۇيىنىڭ قاتارىنا ەنىپ، سولتۇستىك ازيا وڭىرىندە ءبىرىنشى ورىنعا يە بولدى. Aqshamnews.kz ءتىلشىسى وسىنداي جەتىستىككە جەتكەن ءقوناقۇي وكىلدەرىنەن پىكىر الىپ، وسى ناتيجەگە قاتىستى ويلارىن ءبىلدى.
Condé Nast Traveler بيىل وقىرماندارىنان 757 000-نان استام داۋىس جيناپ، الەم ساياحاتشىلارىنىڭ تاجىريبەسى مەن اسەرلەرىنە سۇيەنە وتىرىپ، ۇزدىك باعىتتار مەن قوناقۇيلەر ءتىزىمىن جاسادى.
Readers’ Choice Awards - ساياحات يندۋسترياسىنداعى ەڭ بەدەلدى جانە ەڭ ۇزاق تاريحى بار ماراپاتتاردىڭ ءبىرى. جەڭىمپازدار قوناقۇيلەر، كۋرورتتار، قالالار، اۋە كومپانيالار، كرۋيزدەر، سپا جانە باسقا دا ساناتتار بويىنشا تاڭدالادى. الەمدىك دەڭگەيدەگى ۇزدىك قوناقجاي برەندتەردىڭ قاتارىنان كورىنۋ - The Ritz-Carlton، Astana ءۇشىن زور جەتىستىك ءارى قازاقستان استاناسىنىڭ حالىقارالىق تۋريزم كارتاسىنداعى بەدەلىن ارتتىرعان ماڭىزدى وقيعا.
The Ritz-Carlton، Astana ءقوناقۇيىنىڭ باس ديرەكتورى كاريم تاياچ ماراپات تۋرالى بىلاي دەدى:
"Condé Nast Traveler وقىرماندارىنىڭ تاڭداۋى بويىنشا سولتۇستىك ازياداعى ەڭ ۇزدىك ءقوناقۇي اتانۋ - ءبىزدىڭ كوماندامىزدىڭ كاسىبيلىگى مەن ادالدىعىنىڭ ايقىن دالەلى. ءبىزدىڭ ميسسيامىز - قوناقتارعا كۇتكەنىنەن اسىپ تۇسەتىن اسەرلى ساتتەر سىيلاۋ. ءاربىر قىزمەتىمىز - تالعامپازدىق، جايلىلىق جانە شىنايى قامقورلىقتىڭ ۇيلەسىمى. ءبىزدىڭ قوناقتارىمىزعا كورسەتكەن سەنىمى ءۇشىن، ال كوماندامىزعا ۇنەمى جاڭا ستاندارت ورناتىپ جۇرگەنى ءۇشىن العىس بىلدىرەمىن".
استانانىڭ جۇرەگىندەگى تالعامپازدىقتىڭ سيمۆولى
قازاقستانداعى العاشقى The Ritz-Carlton برەندى ەلدەگى قوناقجايلىق مادەنيەتىنە جاڭا دەڭگەي اكەلدى.
ءقوناقۇيدىڭ 157 ءساندى نومىرلەرى مەن ليۋكستەرى قالانىڭ پانورامالىق كورىنىسىن اشىپ، ىسكەر ساياحاتشىلار مەن تۋريستەر ءۇشىن ەڭ تاڭداۋلى ورىنعا اينالدى.
گاسترونوميالىق تاجىريبە
- Mökki مەيرامحاناسى - ماۋسىمدىق ءمازىر، جەرگىلىكتى دامدەر جانە الەمدىك كلاسسيكا.
- ءوzen Lobby Lounge - تالعامپاز اتموسفەرا مەن تاڭداۋلى سۋسىندار.
- Mökki Terrace - اشىق اسپان استىنداعى كەشتەر، تىكەلەي مۋزىكا جانە قالاداعى ەڭ ءستيلدى الەۋمەتتىك الاڭداردىڭ ءبىرى.
قىزمەت كورسەتۋ - جوعارى ونەر
The Ritz-Carlton فيلوسوفياسىنىڭ نەگىزى - ءار قوناقتى ەرەكشە قارسى الۋ جانە ونىڭ قاجەتتىلىكتەرىن الدىن الا سەزىنۋ. مۇندا قىزمەت ەتەتىن ءاربىر جان قوناقتاردىڭ ءاربىر ءساتىن ەستە قالارلىق ەتۋگە تىرىسادى. ءاربىر قوناقتى كىرگەننەن جىلى شىراي تانىتىپ، قارسى الىپ، جىلى جۇزبەن شىعارىپ سالادى.
جەتىستىككە جەتەلەيتىن ماراپات
Condé Nast Traveler 2025 Readers’ Choice Awards ناتيجەسى بويىنشا الەمدىك ۇزدىكتەر قاتارىنان كورىنۋ - The Ritz-Carlton، Astana ءۇشىن عانا ەمەس، بۇكىل قازاقستان ءۇشىن تاريحي وقيعا.
بۇل جەڭىس قوناقتاردىڭ سەنىمىن، قىزمەتكەرلەردىڭ ادالدىعىن جانە وتەلدىڭ كەمەلدىككە دەگەن ۇمتىلىسىن بىلدىرەدى.
The Ritz-Carlton، Astana ءقوناقۇيىنىڭ مۇنداي حالىقارالىق دەڭگەيدە مويىندالۋى - ەلدەگى قوناقجايلىق سالاسىنىڭ دامۋى جولىنداعى جاڭا كەزەڭ جانە استانانىڭ الەمدىك ساياحاتشىلار ءۇشىن تارتىمدى باعىت ەكەنىن ايقىن كورسەتتى.
The Ritz-Carlton، Astana - زاماناۋي ديزاين مەن ۇلتتىق مۇرا ەلەمەنتتەرىن شەبەر ۇيلەستىرگەن ءساندى ءقوناقۇي. ول 2017 جىلدان بەرى قىزمەت ەتىپ كەلەدى. ءقازىر مۇندا 350 قىزمەتكەر ونىڭ بەدەلى ءۇشىن بارىن سالىپ ەڭبەكتەنىپ كەلەدى.
جەكە قىزمەت كورسەتۋ مادەنيەتى مەن ءار دەتالعا مۇقيات ءمان بەرۋ ءقوناقۇيدى قازاقستانداعى مارتەبەلى ءارى تالعامپاز دەمالىستىڭ ۇلگىسىنە اينالدىردى.