سوڭعى دەرەك بويىنشا امەريكا قۇراما شتاتتارى مەن جۇڭگو حالىق رەسپۋبليكاسى يەلەنگەن بيتكوين مولشەرى الدىڭعى قاتارلى مەملەكەتتەرگە اينالعان.
بۇل جايىندا islam.kz پورتالى cryptonews.net اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.
اتالعان ەكى مەملەكەت تە 190 000+دەن اسا بيتكوينگە يەلىك ەتەدى. وزگە مەملەكەتتەرگە كەلسەك، رەسەي فەدەراسياسى ءوز قورىن ايىپتالعان تۇلعالاردىڭ سيفرلى اكتيۆتەرىن تاركىلەۋ ەسەبىنەن تولىتىرىپ وتىرادى. وسىعان بايلانىستى بۇل ەلدە قانشا ۆيرتۋالدى ۆاليۋتانىڭ بارى تۋرالى ناقتى مالىمەت جوق.
بۇگىندە بيتكوين كاپيتالى شامامەن 2 ترلن دوللاردى قۇرايدى، بۇل كورسەتكىش 18 ترلن دوللارعا باعالانعان التىن كاپيتالىنىڭ شامامەن 11%-ىنا تەڭ. كوپتەگەن ساراپشىلار بيتكويندى كەلەسى سەبەپتەرگە بايلانىستى اقشانىڭ وزىىق ۇلگىسى رەتىندە سانايدى:
- ورتالىقسىز سيپاتى (ياعني، كادىمگى اقشا سەكىلدى مەملەكەت تۇرىندەگى ءبىر ورتالىقتان باقىلاناتىن ۆاليۋتا ەمەس) جانە ۇسىنىسى شەكتەۋلى: بيتكوين دە التىن سەكىلدى بەلگىلى ءبىر مولشەرمەن شەكتەلگەن – بار-جوعى 21 ملن تيىن. بۇل شەكتەۋلى مقلشەرى ونىڭ قۇنسىزدانۋىنان، ينفلياسيادان ساقتايدى؛
- بولىنۋگە كەلەتىندىگى: بيتكويندى ەڭ كىشكەنتاي بولىكتەرگە (8 وندىق بەلگىگە دەيىن) بولۋگە بولادى، بۇل ارتىقشىلىعى شاعىن ترانزاكسيالاردى جۇرگىزۋدى جەڭىلدەتەدى؛
- تاسىمالدىلىعى: بيتكويننىڭ ساندىق سيپاتى ناقتى كەدەرگىسىز بۇكىل الەم بويىنشا اينالۋىن ققامتاماسىز ەتەدى؛
- ءوزارا اۋىستىرۋعا كەلەتىندىگى جانە جالعان اقشا سەكىلدى جاساندى ءتۇرىن جاساۋدىڭ مۇمكىن ەمەستىگى: بيتكوين مونەتاسى ەكىنشىسىنە ۇقساس، وسىعان وراي كريپتوگرافيالىق ءادىستىڭ ارقاسىندا جاساندىسىن جاساۋ مۇمكىن ەمەس.
وسى ارتىقشىلىقتاردى ەسكەرە وتىرىپ، كەيبىر ساراپشىلار التىن قورى بار ەلدەر بيتكوين بويىنشا ءوز قورىن كەمىندە 11%-عا جەتكىزۋگە كەڭەس بەرىپ وتىر. ول از دەسەڭىز، الداعى 5-10 جىلدا بيتكويندەردى كاپيتالعا اينالدىرۋ كورسەتكىشى التىندى كاپيتالداندىرۋدان اسۋى مۇمكىن. اقش-تىڭ ستراتەگيالىق بيتكوين قورى قۇرىلعاننان كەيىن G20-نىڭ باسقا ەلدەرى بۇدان ۇلگى الىپ، وزدەرىنىڭ ۇلتتىق قورىنا كريپتوۆاليۋتانى دا كىرىكتىرۋى ىقتيمال.
2025 جىلدىڭ قاڭتار ايىنىڭ 25ء-ى كۇنگى دەرەك بويىنشا بيتكويننىڭ باعاسى 102 378 دوللارعا جەتكەن. سالىستىرۋ ءۇشىن الساق، التىن باعاسىن كورسەتەتىن SPDR Gold Shares ETF (GLD) قۇنى 255،65 دوللاردى قۇراعان.