اتى اڭىزعا اينالعان دجەكي چان "قۇداي ساۋىتى - 4: Ultimatum" ("دوسپەحي بوگا 4: Ultimatum") ءفيلمىن ماڭعىستاۋ وبلىسىندا ءتۇسىرۋى مۇمكىن. ءتۇسىرىلىم توبى اقتاۋعا كەلىپ، اۋماقتى زەرتتەۋگە كىرىسكەن، - دەپ حابارلايدى aqshamnews.kz Lada.kz-كە سىلتەمە جاساپ.
1986 جىلى العاش شىققان "قۇداي ساۋىتى" ءفيلمى - دجەكي چان فيلموگرافياسىنداعى ەڭ ەرەكشە جوبالاردىڭ ءبىرى سانالادى. ءفيلمنىڭ جالعاسى تۋرالى جاڭالىق الەمنىڭ تۇكپىر-تۇكپىرىندەگى جانكۇيەرلەردىڭ قىزىعۋشىلىعىن وياتتى، ال ماڭعىستاۋدىڭ ءتۇسىرىلىم الاڭى رەتىندە تاڭدالۋى قازاقستان كينويندۋسترياسى ءۇشىن ماڭىزدى وقيعاعا اينالۋى مۇمكىن.
ءتۇسىرىلىم توبى كەلگەن كۇنى ماڭعىستاۋ وبلىسىنىڭ اكىمىمەن كەزدەستى. كەزدەسۋدە ۇيىمداستىرۋ ماسەلەلەرى جانە ءوڭىر اۋماعىندا ءتۇسىرىلىم پروسەسىن جۇرگىزۋ شارالارى تالقىلاندى.
جوبا تولىق ماقۇلدانعان جاعدايدا، ماڭعىستاۋ جاھاندىق كينەماتوگرافيالىق تاريحتىڭ ءبىر بولىگىنە اينالىپ، دجەكي چان قاتىساتىن ءىرى حالىقارالىق ەكشن-فيلمدە العاش رەت كورىنۋى مۇمكىن.
ايتا كەتەيىك، شەتەلدىك تۋريستەر ءوڭىردىڭ كورىكتى جەرلەرىن بىرنەشە رەت اتاپ وتكەن. ماسەلەن، ازەربايجاندىق ءانشى ءارى كاسىپكەر Emin "بۇل جەردىڭ ەرتەگى ەمەس، شىن ەكەنىنە سەنە المايمىن" دەگەن.