الەمدىك ۋاقىتتان ءبىر سەكۋندتى الىپ تاستاۋى مۇمكىن

شامامەن 2027 جىلى جەر پلانەتاسىنىڭ اينالۋ جىلدامدىعىنىڭ ارتۋىنا بايلانىستى الەمدىك ۋاقىتتان ءبىر سەكۋندتى الىپ تاستاۋى ىقتيمال.

رەسەيلىك عالىمدار وسىنداي پايىم جاساپ وتىر، دەپ حابارلايدى aqshamnews.kz islam.kz پورتالىنا سىلتەمە جاساپ. 

رەسەيلىك  «جاڭالىقتار» اقپارات اگەنتتىگى وكىلىمەن سۇحبات بارىسىندا مۇنداي مۇمكىندىكتى بۇكىل رەسەيلىك فيزيكالىق-تەحنيكالىق جانە راديوتەحنيكالىق ولشەۋلەر عىلىمي-زەرتتەۋ ينستيتۋتىنىڭ (ۆنييفتري) باس ديرەكتورى سەرگەي دونچەنكو قاراستىردى. بىلىكتى مامان، سونداي-اق، ۋاقىتتان سەكۋندتى الۋ نەمەسە قوسۋ ەشقانداي تەحنيكالىق قيىندىق تۋدىرامايتىنىن اتاپ ءوتتى.

وسى ورايدا جەردىڭ اينالۋ جىلدامدىعىنىڭ بىردە ارتىپ، بىردە باياۋلاۋى قالىپتى جاعدايعا اينالعانىن جانە مۇنداي قۇبىلىسقا ءتۇرل فاكتور اسەر ەتەتىنىن ايتا كەتپەكپىز. سونىڭ ىشىندە جەر قويناۋىنداعى ءتۇرلى پروسەستەر (تەحتونيكالىق، فيزيكالىق، ت.ب.) مەن جاھاندىق جىلىنۋ سەكىلدى فاكتورلار اسەر ەتەدى. سونىڭ ىشىندە كليمات داعدارىسىنىڭ تەرەڭدەۋىنەن، دالىرەگى، مۇزداقتاردىڭ ەرۋىنەن الەمدىك مۇحيت دەڭگەيى كوتەرىلىپ، جەردىڭ ايناۋى جىلدامدىعىنا اسەرىن تيگىزەتىن بولادى.