اۆستراليا مەن كانادا عالىمدارى الەمدىك مۇحيت تۇبىنە شوككەن پلاستيك مولشەرىن ەسەپتەدى.
عالىمداردىڭ ەسەبى بويىنشا مۇحيت تۇبىنە 11 ملن تونناعا دەيىن پلاستيك شوككەن. ولاردىڭ جارتىسى تۇڭعيىقتا جاتىر. بۇل زەرتتەۋ ءوز كەزەگىندە پلاستيكپەن لاستانۋدىڭ سالدارىمەن كۇرەسۋگە ءارى ونىڭ قورشاعان ورتاعا زيانىن انىقتاۋعا كومەكتەسۋى مۇمكىن، دەپ حابارلايدى Almaty-akshamy.kz. Islam.kz پورتالىنا cىلتەمە جاساپ.
عالىمدار بۇل تاراپتا مۇحيت تۇبىندەگى پلاستيكتىڭ مولشەرى مەن تارالۋ اۋماعىن باعالايتىن ەكى بولجامدى مودەل جاساۋ ءۇشىن عىلىمي باقىلاۋ دەرەكتەرىن پايدالاندى. ءبىرىنشى مودەل سۋ استى الەمىن زەرتتەيتىن قاشىقتان باسقارىلاتىن كولىكتەردىڭ دەرەكتەرىنە، ال ەكىنشىسى بالىق اۋلاۋ كەزىندە پايدالانىلاتىن تۇپكى ترالدارعا نەگىزدەلگەن. سۋاستى دەرەكتەرىنە سايكەس مۇحيت تۇبىندە 11 ميلليون تونناعا دەيىن پلاستيك قالدىقتارى بار.
ونىڭ ۇستىنە، ولاردىڭ 46%-ى 200 م-گە دەيىنگى تەرەڭدىكتەگى كونتينەنتتەر توڭىرەگىندە شوعىرلانعان، مۇحيتتىڭ تەرەڭ اۋداندارىندا 54% قالدىق بار. زەرتتەۋشىلەر مۇحيت تەرەڭىندەگى پلاستيكتىڭ قوزعالىسى مەن جينالۋىنا ىقپال ەتەتىن قوزعاۋشى كۇشتەردى انىقتاۋدىڭ ماڭىزدىلىعىن اتاپ ءوتتى. بۇل شارا ءوز كەزەگىندە پلاستيكتىڭ تەڭىزدەگى تىرشىلىك يەلەرىنە توندىرەتىن قاۋىپ-قاتەردى ازايتۋعا، جانە قورشاعان ورتانى قالپىنا كەلتىرۋ جۇمىستارىن جاقسارتۋعا كومەكتەسەدى.