شۆەيساريانىڭ سيۋريح قالاسى مەن سينگاپۋر 2023 جىلدىڭ ەڭ قىمبات قالاسى اتاندى، - دەپ حابارلايدى almaty-akshamy.kz Unian باسىلىمىنا سىلتەمە جاساپ.
Worldwide Cost of Living Index زەرتتەۋىنە سايكەس، وتكەن جىلى كوش باستاعان نيۋ-يورك ءۇشىنشى ورىنعا تۇسكەن، ول بۇل ورىندى شۆەيساريالىق تاعى ءبىر قالا - جەنيەۆامەن ءبولىسىپ وتىر.
ايتا كەتەيىك، سيۋريح بىلتىر التىنشى ورىندا، ال سينگاپۋر ەكىنشى ورىندا بولعان. جەنيەۆا بولسا رەيتينگتە جەتىنشى ورىندى يەلەنگەن بولاتىن.
شۆەيساريالىق قالالاردىڭ مۇنداي سەكىرىسىن ماماندار شۆەيساريالىق فرانكتىڭ قۇندى بولۋىمەن بايلانىستىرادى جانە ازىق-تۇلىك، ۇيگە قاجەتتى زاتتار مەن دەمالىس باعاسىنىڭ تىم قىمبات بولۋى دا اسەر ەتكەن. سينگاپۋردا كولىك قاتىناسى مەن كيىم-كەشەك قىمباتتاعان.
سيريا استاناسى داماسك قالاسى الەمدەگى ەڭ ارزان قالا - 173-ورىن. تەگەران (يران) جانە تريپولي (ليۆيا) 172-ورىندى جانە 171-ورىندى ءوزارا ءبولىستى