قىرعىز رەسپۋبليكاسىنىڭ دەنساۋلىق ساقتاۋ مينيسترلىگى: جاعداي تۇراقتى جانە قاۋىپتەنەتىن ەش سەبەپ جوق.
ۆاكسينالاۋعا جاتاتىن 3 ميلليون ادامنىڭ 1 ميلليون 200 مىڭى ەگىلدى. بۇل ۇجىمدىق يممۋنيتەتتى قالىپتاستىرۋعا مۇمكىندىك بەردى. احۋال ناشارلاعان جاعدايدا، دەنساۋلىق ساقتاۋ مينيسترلىگى ءىشىنارا شەكتەۋلەر ەنگىزۋى مۇمكىن، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.
ۆەدومستۆونىڭ مالىمەتىنشە، ەلدە اۋرۋدىڭ كلاسسيكالىق شتامى، سونداي-اق "دەلتا" مەن "وميكرون" اينالىمدا.
ال ارمەنيادا كوروناۆيرۋستىق شەكتەۋلەردى ەنگىزۋ مۇمكىندىگى تۋرالى ايتىلا باستادى. ءبىر اپتا ىشىندە كوۆيدتى جۇقتىرعاندار سانى ەكى ەسە ءوستى. دارىگەرلەردىڭ ايتۋىنشا، بۇل ەۋروپا ەلدەرىنە ساياحاتتاۋشىلار سانىنىڭ وسۋىنە جانە ينفەكسيانى جۇقتىرۋدىڭ تولقىنىنا بايلانىستى.
ارمەنيانىڭ دەنساۋلىق ساقتاۋ ءمينيسترى دەنساۋلىق ساقتاۋ جۇيەسى جاعدايدىڭ كەز كەلگەن دامۋىنا دايىن دەپ سەندىردى، ءبىراق ەگەر الداعى ەكى اپتادا ينفەكسيا جۇقتىرۋدىڭ ءوسۋى جالعاسا بەرسە، رەسپۋبليكاعا "ماسكا تاعۋ رەجيمى" ورالۋى مۇمكىن.
BA.2.75 شتامى نەمەسە "كەنتاۆر" يزرايلگە جەتتى. جۇقتىرۋدىڭ العاشقى جاعدايلارى سوڭعى اپتالاردا شەتەلدە بولعان ادامداردا انىقتالدى. بىرنەشە ادام بار، بارلىعى باقىلاۋدا. وسى ءۇش جولاۋشىنىڭ ءبىرى ءۇندىستاننان، ەكەۋى فرانسيادان ۇشىپ كەلدى. ەل بيلىگى دابىل قاعۋدا، ويتكەنى الدىڭعى شتامداردىڭ ەپيدەمياسى ءالى جەڭىلگەن جوق، ولارعا جاڭا شتامم كەلدى.
دارىگەرلەر ۆاكسينالاۋدى، سونىڭ ىشىندە ريەۆاكسينالاۋدى تالاپ ەتۋدە. ولاردىڭ ايتۋىنشا، ازىرگە بۇل جالعىز قورعانىس. ەلدىڭ دەنساۋلىق ساقتاۋ مينيسترلىگى دە ازاماتتارعا ريەۆاكسينالاۋدان ءوتۋدى ۇسىنادى. باسقا ەشقانداي شەكتەۋلەر جوق.