عاجايىپ كولىكتەر
ەلەكتروموبيل جاسايتىن امەريكالىق Tesla كومپانياسى الەمدە ەڭ قىمبات ءاۆتووندىرۋشى اتاندى، دەپ حابارلايدى Almaty-akshamy.kz 24.kz-كە سىلتەمە جاساپ
Reuters اگەنتتىگىنىڭ حابارلاۋىنشا، جۋىردا اۆتوكونسەرن كولىكتەردى جالعا بەرۋمەن اينالىساتىن حەرتس (Hertz) فيرماسىمەن كەلىسىمشارتقا وتىرعان.
وسىدان كەيىن Tesla-نىڭ نارىقتاعى كاپيتاليزاسياسى 1 تريلليون دوللاردان اسىپ جىعىلدى. ال اكسياسى 15 پايىزعا ارتتى. يلون ماسكتىڭ داۋلەتى ەندى 249 ملرد دوللار دەپ باعالانىپ وتىر.
قۇجاتقا سايكەس، حەرتس كومپانياسى يلون ماسكتىڭ كورپوراسياسىنا قۇنى 4 ملرد دوللار بولاتىن 100 مىڭ كولىككە تاپسىرىس بەرگەن.
شارت بويىنشا، Tesla ءوز مىندەتتەرىن 2022 جىلدىڭ سوڭىنا دەيىن ورىنداۋى ءتيىس.