شۆەيساريانىڭ IQAIR اۋا ساپاسىن باقىلاۋ كومپانياسى رەيتينگ جاسادى.
رەيتينگ بويىنشا قاراعاندى الەمدەگى اۋاسى ەڭ لاس 30 قالانىڭ قاتارىنا ەندى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
رەيتينگتە قاراعاندى 23-ورىندا تۇر.
14 ناۋرىزدا جاريالانعان مالىمەتتەرگە سۇيەنسەك، قاراعاندىدا اۋانىڭ لاستانۋ يندەكسى – 77،8. 2021 جىلى ول 75،5 بولسا، ءبىر جىلدا كورسەتكىش ايتارلىقتاي وسكەن. قازاقستاننىڭ قالاسى ءۇندىستان قالالارىمەن شامالاس دەڭگەيدە تۇر، ال ول – ەڭ لاس مەملەكەتتەردىڭ ءبىرى.
IQAIR زياندى بولشەكتەردىڭ سانىن ساناۋ ارقىلى اۋا ساپاسىن ولشەيدى. ددۇ بۇل بولشەكتەردىڭ اۋاداعى كونسەنتراسياسى تەكشە مەترگە ورتا ەسەپپەن 10 ميكروگراممنان اسپاۋى كەرەك دەيدى.
2022 جىلى قازاقستانداعى اۋانىڭ لاستانۋ دەڭگەيى ناشارلادى. زەرتتەۋلەر كورسەتكەندەي، كورسەتكىشتەر رۇقسات ەتىلگەن الەمدىك ستاندارتتاردان ءۇش ەسە اسىپ تۇسكەن.
ايتا كەتسەك، بىلتىر قالالاردىڭ لاستانۋ دەڭگەيى بويىنشا ەلدەر رەيتينگىندە قازاقستان الەمدەگى 115 ەلدىڭ ىشىندە 33-ورىندى يەلەنگەن.