قازىرگى تاڭدا الەمنىڭ 18 ەلىندە 56 اتوم رەاكتورىنىڭ قۇرىلىسى جۇرگىزىلىپ جاتىر.
بۇل رەاكتورلار الەمدىك ستاندارتتارعا ساي، تابيعي جانە تەحنوگەندىك جاعدايلاردى ەسكەرە وتىرىپ سالىنۋدا، دەپ حابارلايدى aqshamnews.kz
ياعني، زاماناۋي اتوم ەلەكتر ستانسيالارى (اەس) 8 بالدىق جەر سىلكىنىسىنە، سۋنامي سياقتى اپاتتارعا، ءتىپتى ۇلكەن ۇشاقتىڭ قۇلاۋىنا جانە باسقا دا توتەنشە تابيعي قۇبىلىستارعا توتەپ بەرە الاتىنداي قاۋىپسىزدىكپەن جابدىقتالعان.
اەس-تەگى قاۋىپسىزدىك دەڭگەيى وتە جوعارى.
مامانداردىڭ ايتۋىنشا، اەس-تەگى اپات ىقتيمالدىعى 10 ميلليون جىلدا ءبىر عانا وقيعا رەتىندە باعالانادى. ال بۇگىنگى تاڭدا ەلىمىزدىڭ باسىم بولىگىن ەلەكتر ەنەرگياسىمەن قامتاماسىز ەتىپ وتىرعان كومىر ەلەكتر ستانسيالارىنىڭ قاۋىپ-قاتەرى اەس-تەن 80 ەسە جوعارى. بۇل — اتوم ەنەرگەتيكاسىنىڭ قاۋىپسىزدىگى مەن سەنىمدىلىگىنىڭ ماڭىزدى كورسەتكىشى.
الەمدەگى جۇمىس ىستەپ تۇرعان بارلىق رەاكتورلار قاتاڭ باقىلاۋدا.
ولاردىڭ ءارقايسىسىنىڭ جۇمىسى ماگاتە جانە WANO (دۇنيەجۇزىلىك اتوم ەلەكتر ستانسيالارى قاۋىمداستىعى) سياقتى بەدەلدى ۇيىمدار تاراپىنان باقىلانادى. بۇل قاداعالاۋ حالىقارالىق ستاندارتتارعا ساي قاۋىپسىزدىكتى قامتاماسىز ەتۋ ماقساتىندا تۇراقتى جۇرگىزىلىپ، الەمدىك قوعامداستىقتىڭ سەنىمىن ارتتىرۋعا باعىتتالعان.
اتوم ەنەرگەتيكاسى — ەلىمىزدىڭ ەنەرگەتيكالىق تاۋەلسىزدىگىن قامتاماسىز ەتۋدىڭ ءتيىمدى ءارى ەكولوگيالىق تازا جولى. زاماناۋي تەحنولوگيالار ارقىلى سالىنعان اەس-تەر تەك قانا ەنەرگيا كوزى ەمەس، سونىمەن قاتار، ەكونوميكانى تۇراقتى جانە ءقاۋىپسىز دامىتۋعا مۇمكىندىك بەرەدى.