بۇگىندە قوعامدى اەس قۇرىلىسىن كىم سالادى، ءبىزدىڭ تەحنولوگيالىق مۇمكىندىگىمىز بار ما، الدە قۇرىلىس شەتەلدىك تەحنولوگياعا تاۋەلدى بولا ما دەگەن سۇراقتار مازالاۋدا.
الەمدە اتوم ەلەكتر ستانسياسىن تولىقتاي ءوزى سالعان بىردە-بىر ەل جوق، بۇل ءارقاشان كونسورسيۋم نەگىزىندە جۇزەگە اسادى. مىسالى، اۆتوماتيكا ەڭ جاقسىسى — Siemens بولۋى مۇمكىن، ياعني گەرمانيا، فرانسيا. ەڭ مىقتى رەاكتور كورپۋسى — رەسەيدە شىعارىلعان بولۋى مۇمكىن. ەڭ جاقسى جىلۋ الماستىرعىشتار، تۋربينالار — جاپونيادا، Toshiba. ەڭ جاقسى سەمەنت — قىتايدا. مەن رەسەي، فرانسيا، امەريكا نەمەسە كورەيانى قولداعالى تۇرعان جوقپىن. اتوم ونەركاسىبىنىڭ مىقتىلىعى ونىڭ كونسەرۆاتيۆتىلىگىندە، بارلىق نارسە جىلدار بويى سىنالعان.
ەگەر رەفەرەندۋمدا حالىق اتوم ەنەرگەتيكاسى كەرەك دەپ شەشسە، سەرىكتەستەردىڭ ۇسىنىستارىن باعالاپ، سالىستىرۋ پروسەسى باستالادى. ماماندار جوبالاردىڭ تەحنيكالىق، ەكونوميكالىق جانە ەكولوگيالىق پارامەترلەرىن باعالايتىن بولادى. اقىرعى شەشىم ءالى قابىلدانعان جوق، ول الداعى رەفەرەندۋم ناتيجەسىنە بايلانىستى بولادى.