جىل سايىن جول-كولىك وقيعاسى (جكو) سالدارىنان الەمدە 1،3 ميلليون ادام مەرت بولادى، ياعني ءار 24 سەكۋندتا ءبىر ادام قازا تابۋدا. ميلليونداعان ادام جاراقات الادى نەمەسە مۇگەدەك بولادى. بۇل ماسەلە بۇۇ باس اسسامبلەياسىنىڭ جول قوزعالىسى قاۋىپسىزدىگىنە ارنالعان وتىرىسىندا تالقىلانىپ جاتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
«جول-كولىك وقيعاسى – دوڭگەلەگى بار تىنىش ەپيدەميا سياقتى. بۇل كەزدەسۋ – ناقتى شارالار قابىلداۋعا جانە پروگرەسسكە جەتۋ ءۇشىن وتە ماڭىزدى مۇمكىندىك»، – دەدى بۇۇ باس حاتشىسى.
بۇگىن بۇۇ باسشىسى اتاپ وتكەندەي، جول-كولىك وقيعاسى الەمدەگى 5-29 جاس ارالىعىنداعى جاستاردىڭ ءولىمىنىڭ ەڭ كوپ تارالعان سەبەبى. 10 قۇرباننىڭ توعىزى ورتاشا جانە تابىسى تومەن ەلدەرگە تيەسىلى. باس حاتشى انتونيۋ گۋتەرريش جولداعى ءولىم-جىتىم ينفراقۇرىلىمنىڭ ناشارلىعىنا، دامىماعان ۋربانيزاسياعا، دەنساۋلىق ساقتاۋ جۇيەسىنىڭ السىزدىگىنە جانە ەل ىشىندەگى جانە مەملەكەتتەر اراسىنداعى تەڭسىزدىككە بايلانىستى ەكەنىن اتاپ ءوتتى.
«جول-كولىك وقيعالارى جانۇيالاردى اسىراۋشىسىنان، تابىس كوزىنەن ايىرىپ، ۇزاق ۋاقىت مەديسينالىق كومەككە مۇقتاج ەتۋى مۇمكىن»، - دەدى بۇۇ باسشىى.
گۋتەرريش مەملەكەتتەردى جولدارىن جاقسارتۋعا شاقىرىپ، تەگىس جولداردىڭ تۇراقتى دامۋعا اپاراتىنىن اتاپ ءوتتى.