الەمنىڭ ورتالىق بانكتەرى بيىل جارتى جىلدا 387 توننا التىن ساتىپ العان.
بۇل كەيىنگى 23 جىلدا بولماعان رەكوردتىق كورسەتكىش. سۇرانىستىڭ ارتۋىنا بايلانىستى تيىسىنشە بۇل باعالى مەتالدى ءوندىرۋ كولەمى دە ۇلعايعان. ءسويتىپ 6 اي ىشىندە ونىڭ 1781 تونناسى وندىرىلگەن. بۇل بۇرىن-سوڭدى بولماعان كورسەتكىش.
جۇڭگو تاراپىنان قىزىعۋشىلىق جوعارى. الەمدىك سۇرانىستىڭ 20 پروسەنتى وسى مەملەكەتتىڭ ۇلەسىنە تيەسىلى. بۇدان بولەك ءىرى ساتىپ الۋشىلار قاتارىندا سينگاپۋر مەن ەۋروپالىق وداق ەلدەرى دە بار.
«التىنعا سۇرانىستىڭ ارتۋىنا الەمدەگى گەوساياسي جانە ەكونوميكالىق احۋالدىڭ وزگەرۋى اسەر ەتتى. بۇل ۆاليۋتا قورىن ءارتاراپتاندىرۋ ماقساتىندا جاسالىپ وتىر»، - دەيدى التىن جونىندەگى دۇنيەجۇزىلىك كەڭەستىڭ وكىلى ۆان ليسين.