1 تامىزدا ساعات 17:10-دا تجد كۇشتەرى مەن قۇرالدارى جوعارى دارەجەدەگى شاقىرتۋ بويىنشا الاتاۋ اۋدانى، «اقكەنت» ش/ا، 54 ءۇي مەكەن جايى بويىنشا جىبەرىلدى.
العاشقى ورتكە قارسى ەسەپتەرى 6 مينۋتتا كەلگەن ساتتە 16-قاباتتى ءۇيدىڭ كابەلدىك شاحتادا ەلەكتر كابەلدەر 80 ش.م. الاڭىندا اشىق جالىنمەن جانىپ جاتقانىن انىقتادى. رايىمبەك داڭعىلىندا كولىك كەپتەلىسى بولعانىنا جانە ءورت ءسوندىرۋ تەحنيكاسىنا جولدى بوگەپ، ۇيلەردىڭ جانىندا قويىلعان كولىكتەرگە قاراماستان، العاشقى ءورت ەسەپتەرى وقيعا ورنىنا 6 مينۋتتا جەتكەن، دەپ حابارلايدى Almaty-akshamy.kz.
ءورت سالدارىنان جوعارعى قاباتتاردا جانە ەۆاكۋاسيا جولدارىندا قاتتى ءتۇتىن مەن جوعارى تەمپەراتۋرادان تۇرعىنداردىڭ دەنساۋلىعىنا ءقاۋىپ ءتوندى.
دەرەۋ وقيعا ورنىندا گاز-تۇتىننەن قورعاۋ قىزمەتىنىڭ جۇمىسى ۇيىمداستىرىلىپ 80 ادام قۇتقارىلدى، ونىڭ ىشىندە 35 ادام قۇتقارۋ قالپاقتار ارقىلى، قالعان تۇرعىندار - ارنايى تەحنيكانىڭ كومەگىمەن، 200-دەن استام ادام ەۆاكۋاسيالاندى.
دەرەۋ وقيعا ورنىندا گاز-تۇتىننەن قورعاۋ قىزمەتىنىڭ جۇمىسى ۇيىمداستىرىلىپ، ادامداردى ەۆاكۋاسيالاۋ جانە قۇتقارۋ ءۇشىن 3 ءورت ساتىسى، 2 تاسىمالداۋ قۇرىلعىسى بار اۆتوكران، سونداي اق "ارالاس تاسىلمەن" قول ءورت ساتىلارى (ءۇش ءيىندى باسپالداق، شابۋىل ساتىسى) ورنالاستىرىلدى.
ءورت 18 ساعات 46 مينۋتتا ءورت تولىعىمەن جويىلدى
وقيعا ورنىنا :
الماتى قالاسى تجد 50 قىزمەتكەرى مەن 14 بىرلىك تەحنيكاسى، پوليسيا دەپارتامەنتىنەن 40 قىزمەتكەر، 11 بىرلىك تەحنيكا، 109 قۇتقارۋ قىزمەتى 12 قىزمەتكەرلەر، 6 بىرلىك تەحنيكا، جادەل جاردەم قىزمەتكەرلەرى – 69 ادام، 23 بىرلىك تەحنيكا جۇمىلدىرىلدى.
ايتا كەتسەك، ءورت ءسوندىرۋ جۇمىستارىن، سونداي-اق ءورتتى ءسوندىرۋ تەحنيكاسىنىڭ وتۋىنە جاپسارلاس قويىلعان جەكە اۆتو كولىكتەر قيىنداتتى. وسىعان بايلانىستى، الماتى قالاسىنىڭ تج دەپارتامەنتى شۇعىل قىزمەتتەردىڭ جول جۇرۋىنە كەدەرگى جاساماۋدى سۇرايدى.
ءورت بولعان جاعدايدا ۇرەي- دۇربەلەڭگە تۇسپەڭىز، بارلىق كوپقاباتتى عيماراتتاردا ەۆاكۋاسيالاۋ ءۇشىن باسپالداق ءتۇتىنسىز ورىندار بار، ولارعا جەتۋ مۇمكىن بولماعان جاعدايدا ۆەنتيلياسيالىق كانالداردى، پاتەردىڭ ەسىگىن جاۋىپ، بالكونعا شىعىپ، كەلگەن ءورت ءسوندىرۋ بولىمشەلەرىنە سيگنال بەرۋ قاجەت.