بۇل - پاندەميا باستالعالى بەرگى ەڭ جوعارى جاڭا كورسەتكىش.
دۇنيەجۇزىلىك دەنساۋلىق ساقتاۋ ۇيىمى (ددسۇ) سارسەنبىگە قاراعان ءتۇنى كوروناۆيرۋس جۇقتىرعاندار سانى الدىڭعى جەتى كۇنمەن سالىستىرعاندا 5%-عا، ال ءولىم-جىتىم 1%-عا ارتقاندىعىن مالىمدەدى، دەپ حابارلايدى Almaty-akshamy.kz
سوڭعى اپتادا الەمدە 21 ميلليوننان استام ادام كوروناۆيرۋستى جۇقتىردى. بۇل - پاندەميا باستالعالى بەرگى ەڭ جوعارى جاڭا كورسەتكىش.
17 قاڭتار مەن 23 قاڭتار ارالىعىندا ددسۇ اپتالىق بيۋللەتەنى «وتكەن اپتامەن سالىستىرعاندا COVID-19 جاڭا جاعدايلارىنىڭ بەس پايىزعا ارتۋىن» تىركەدى - 21 362 288 ادام كوروناۆيرۋس جۇقتىرعان. جەتى كۇن ىشىندە 49 890 ناۋقاس قايتىس بولعان، بۇل ءبىر اپتا بۇرىنعى كورسەتكىشتەن 1%-عا ارتىق.
وتكەن اپتامەن سالىستىرعاندا (10-16 قاڭتار)، جۇقتىرعاندار سانىنىڭ ارتۋى شىعىس جەرورتا تەڭىزىندە 39%-عا، وڭتۇستىك-شىعىس ازيادا (36%-عا) جانە ەۋروپادا 13%-عا ارتتى. ەۋروپادا ءبىر اپتادا جۇقتىرعاندار سانى 10 ميلليوننان استى جانە بۇل الەمدەگى بارلىق جاڭا ينفەكسيالاردىڭ 47% قۇرايدى. ءولىم، اسىرەسە، وڭتۇستىك-شىعىس ازيادا 44%-عا جانە شىعىس جەرورتا تەڭىزىندە 15%-عا قاتتى ءوستى. سونىمەن قاتار افريكادا، باتىس تىنىق مۇحيت ايماعىندا جانە ەۋروپادا سايكەسىنشە 14%، 12% جانە 5% تومەندەدى. امەريكا قۇراما شتاتتارى ءبىر اپتاداعى ينفەكسيالاردىڭ ەڭ كوپ سانى تۋرالى حابارلادى (4 215 852). ودان كەيىن فرانسيا (2 443 821)، ءۇندىستان (2 115 100)، يتاليا (1 231 741) جانە برازيليا (824 279) كەلەدى.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، 25 قاڭتارداعى جاعداي بويىنشا، الەمدە پاندەميا باستالعاننان بەرى 352 796 704 ادام اۋرۋ جۇقتىرىپ، 5 600 434 ادام قايتىس بولعان. ال وتكەن تاۋلىكتە 2 158 785 ادامنىڭ ىندەتكە شالدىققانى جانە 6 189 ادامنىڭ كوز جۇمعانى تۋرالى حابارلاندى.