الەم ەلدەرىن قۇرعاقشىلىق قىسىپ بارادى

ەۋروپادا دا قاتتى ىستىق بولادى دەپ بولجانۋدا.

بۇۇ دۇنيەجۇزىلىك مەتەورولوگيالىق ۇيىمىنىڭ مالىمەتى بويىنشا، بىلتىر اپتاپ ىستىقتان يسپانيا، گەرمانيا، ۇلىبريتانيا، فرانسيا جانە پورتۋگاليادا 15 مىڭعا جۋىق تۇرعىن قايتىس بولعان، دەپ حابارلايدى Almaty-akshamy.kz.

24.kz تاراتقان اقپارات بويىنشا، كارى قۇرلىقتا اپتاپ ىستىقتىڭ بەتى قايتپاي تۇرعانىنا ەكىنشى جىل . ەۋروپاداعى ورتاشا تەمپەراتۋرا باسقا كونتينەنتتەرگە قاراعاندا 2 ەسە تەز ءوسىپ جاتىر. كۇننىڭ كۇرت ىسۋىنان ادامدار دا قاتتى زارداپ شەكتى. 

 ەگىن القابىن سۋارۋدىڭ ءتيىمسىز ءتاسىلى قۇرعاقشىلىق فرانسيا فەرمەرلەرىن تىعىرىققا تىرەدى. اۋا رايىنىڭ قولايسىزدىعى سالدارىنان ولار جەراستى سۋلارىن پايدالانۋعا كوشكەن. ارنايى حاۋىزدار جاساپ، سۋ ايدايتىن قويمالاردىڭ كومەگىمەن ەگىن القاپتارىن ساقتاۋعا ءماجبۇر. الايدا ەكولوگتار بۇل ادىسكە قارسى. سەبەبى جەر استى سۋلارى سارقىلىپ، سالدارىنان ەلدەگى وزەن-كولدەر كەۋىپ كەتۋى مۇمكىن.    

ال لاتۆيالىق فەرمەرلەر بولسا، بيلىكتەن ۇزاققا سوزىلعان قۇرعاقشىلىققا بايلانىستى توتەنشە جاعداي جاريالاۋدى سۇراپ وتىر. ولاردىڭ بولجاۋىنشا، بيىل استىق ءونىمى 50%-كە از شىعادى. اۋىل شارۋاشىلىعىنداعى شىعىندار ءقازىردىڭ وزىندە 100 ميلليون ەۋروعا جەتكەن.   

ال جۇڭگو بيلىگى ءشول مەن شولەيتتەنۋگە قارسى كۇرەستە جەتىستىككە قول جەتكىزدى. ەلدەگى قۇمدى القاپتارعا اعاشتار ەگىلىپ جاتىر. وسىمدىكتەر توپىراقتى ەروزيادان، ال جەرگىلىكتى ەكوجۇيەنى جويىلىپ كەتۋدەن قورعايدى.

وسىنداي ايماقتىڭ ءبىرى – قىتايدىڭ ىشكى موڭعوليا اۆتونوميالىق اۋدانى. ءبىر كەزدەرى قۇرعاق جانە ءشولدى سانالعان ايماق كەيىنگى 3 جىلدا ادام تانىماستاي وزگەرگەن. ءتىپتى ەلدەگى ەڭ ءىرى تۇششى سۋ كولى – ۋليانسۋ قايتا تولىپ كەلەدى.    

ي