سپورتشى قالىندىعىن كەشە ۇزاتىپ اكەلدى
ەلىمىزدىڭ تالانتتى بوكسشىسى، بوكستان توكيو وليمپياداسىنىڭ كۇمىس جۇلدەگەرى، الەم چەمپيونى ساكەن بيبوسىنوۆ وتاۋ قۇردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تۇركىستاندىق تالانتتى بوكسشىنىڭ تاڭداۋى نازيرا ەسىمدى سۇلۋعا ءتۇسىپتى. ول - ورداباسى اۋدانىنا قاراستى اماكەلدى اۋىلىنىڭ تۋماسى.
«قالىڭدىعىمدى كەشە ۇزاتىپ الىپ كەلدىم. الدا توي بولادى، سوعان دايىندالىپ جاتىرمىز. جۇبايىم سپورتشىنىڭ جاعدايىن تۇسىنەتىن جار بولاتىندىعىنا سەنىمدىمىن. تىلەۋلەس اعالارىمىزعا، اعايىندارعا راحمەت ايتامىن»،-دەيدى ساكەن بيبوسىنوۆ.
ايتا كەتەيىك، توكيودا وتكەن وليمپيادا ويىندارىنىڭ قولا جۇلدەگەرى، سەربيانىڭ بەلگراد قالاسىندا وتكەن الەم چەمپيوناتىندا التىن مەدال يەلەنگەن ساكەن بيبوسىنوۆ ومىرىندەگى جاقسى جاڭالىقتار جايىندا ءبىزدىڭ اگەنتتىككە سۇحبات بەرگەن بولاتىن.