ءبىرىنشى پارتيادا تاي-برەيكتە فين تەننيسشىسى باسىم ءتۇستى
قازاقستاننىڭ ءبىرىنشى، الەمنىڭ 44-راكەتكاسى الەكساندر بۋبليك مەتس (فرانسيا) ATP 250 ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جارىستىڭ جەتىنشى راكەتكاسى بولىپ تىركەلگەن قازاقستاندىق تەننيسشى ەكىنشى اينالىمدا دۇنيەجۇزىلىك رەيتينگتە 51-ورىندا تۇرعان فينليانديالىق ەميل رۋۋسۋۆۋوريمەن كەزدەستى.
ءبىرىنشى پارتيادا تاي-برەيكتە فين تەننيسشىسى باسىم ءتۇستى - 7:6 (7:4).
ەكىنشىسىندە بۋبليك ەسە قايىردى - 6:4.
ءۇشىنشى، شەشۋشى سەتتە قازاقستاندىق تەننيسشى 3:1 ەسەبىمەن العا شىقتى. اقىرى ماچتى جەڭىسپەن ءتامامدادى - 6:3.
ەكى ساعات 14 مينۋتقا سوزىلعان باسەكە بارىسىندا بۋبليك 13 ەيس جاساپ، 5 برەيك-پوينتتىڭ تورتەۋىن پايدالانا ءبىلدى.
ا.بۋبليك جارتىلاي فينالعا شىعۋ ءۇشىن الەمنىڭ 31-راكەتكاسى، دانيالىق حولگەر رۋنە نەمەسە رەيتينگتە 61-ساتىداعى فرانسيالىق بەندجامين ءبونزيدىڭ بىرەۋىمەن تالاسادى.
ەسكە سالا كەتەيىك، بۇدان بۇرىن الەكساندر بۋبليكتىڭ فرانسياداعى ءتۋرنيردى جەڭىسپەن باستاعانىن جازعان بولاتىنبىز.
سونداي-اق قازاقستاندىق تەننيسشى پورتۋگالياداعى جارىستىڭ شيرەك فينالىنا شىقتى.