الەكساندر بۋبليك فرانسياداعى ءتۋرنيردى جەڭىسپەن باستادى

ا.بۋبليك جۇپتىق سىندا دا ءساتتى ونەر كورسەتۋدە

قازاقستاننىڭ ءبىرىنشى، الەمنىڭ 44-راكەتكاسى الەكساندر بۋبليك مەتس (فرانسيا) ATP 250 ءتۋرنيرىن جەڭىسپەن باستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق تەننيسشى باستاپقى كەزدەسۋىن دۇنيەجۇزىلىك رەيتينگتە 208-ورىندا تۇرعان، نەگىزگى جارىسقا ىرىكتەۋ سايىستارىنان كەيىن قوسىلعان فرانسيالىق ەۆان فەرنەسپەن وتكىزدى.

ءبىرىنشى پارتيادا فرانسيالىق سپورتشى 7:5 ەسەبىمەن باسىم ءتۇستى.

ەكىنشىسىندە ا.بۋبليك ەسە قايىردى - 6:4.

ءۇشىنشى، شەشۋشى سەتتە قازاقستاندىق تەننيسشى تاي-برەيكتە جەڭىستى جۇلىپ الدى - 7:6 (7:5).

ەكى ساعات جارىمنان استام ۋاقىتقا سوزىلعان ماچتا ا.بۋبليك 14 ەيس جاساپ، 10 برەيك-پوينتتىڭ تەڭ جارتىسىن پايدالانا ءبىلدى.

الەكساندر بۋبليك ەكىنشى اينالىمدا الەمنىڭ 51-راكەتكاسى، فينليانديالىق ەميل رۋۋسۋۆۋوريمەن شەبەرلىك بايقاسادى.

ا.بۋبليك جۇپتىق سىندا دا ءساتتى ونەر كورسەتۋدە. ول يتاليالىق لورەنسو مۋزەتتيمەن بىرگە نيدەرلاندىلىق روبين حاسە - اۋستريالىق فيليپپ وسۆالدتى 7:6 (8:6)، 6:3 ەسەبىمەن ۇتىپ، شيرەك فينالعا شىقتى.

قازاقستاندىق-يتاليالىق جارتىلاي فينالعا شىعۋ دودانىڭ 3-راكەتكالارى، فرانسيالىقتار نيكوليا مايۋ - ەدۋار روجە-ۆاسسلەنمەن تالاسادى.

ەسكە سالا كەتەيىك، بۇدان بۇرىن ەلەنا رىباكينانىڭ توكيو تۋرنيرىندە جەڭىلىپ قالعانىن جازعان بولاتىنبىز.

سونداي-اق «Astana Open» تۋرنيرىندە «ۇلكەن دۋلىعا» جارىسىنىڭ بەس چەمپيونى ونەر كورسەتەدى.