قازىرگى تاڭدا ءدىني ەكسترەميزم مەن تەرروريزمنىڭ تارالۋى وزەكتى ماسەلەلەردىڭ ءبىرى ەكەنى انىق. وسى ورايدا، ەلىمىزدە ونىڭ شىعۋ سەبەپتەرى مەن الدىن-الۋ جۇمىستارىن جۇزەگە اسىرۋدىڭ ماڭىزدىلىعى زور.
وسى ماقساتتا الماتىدا ءدىن سۇراقتارى بويىنشا اقپارات جانە كەڭەس بەرۋ ورتالىعىنىڭ تاراپىمەن ءتۇسىندىرۋ جۇمىستارى «№7 جببم» كمم-دە جالعاسىن تاپتى، دەپ حابارلايدى aqshamnews.kz.
ءىس-شاراعا 50-دەن استام تىڭداۋشى قاتىستى.
ۇيىمداستىرىلعان اشىق ساباقتار بارىسىندا ءدىن سالاسىنداعى مەملەكەتتىك ساياساتتىڭ ءمانى، پسيەۆدودىني جانە راديكالدى يدەولوگيانىڭ زياندىلىعى، جاس ۇرپاقتىڭ ءداستۇرلى ءدىني ساناسىن قالىپتاستىرۋ تاقىرىپتارى اياسىندا اقپارات جەتكىزىلدى.
جاستارعا جالعان تەرروريزمنىڭ قوعامعا توندىرەتىن ءقاۋپى تۋرالى مالىمەتتەر بەرىلىپ، اتالعان قۇبىلىستىڭ قىلمىستىق جاۋاپكەرشىلىككە الىپ كەلەتىندىگى باسا ايتىلدى.
جالپى، ءدىني دەسترۋكتيۆتى توپتاردىڭ اسەرىنەن ساقتانۋ جولدارى جونىندە كاسىبي كەڭەستەر بەرىلدى.
وقۋشىلار مەن جۇرگىزۋشى اراسىندا كونسترۋكتيۆتى قارىم-قاتىناس قۇرىلىپ، قىزىقتىرعان سۇراقتارعا جاۋاپ الىندى.