الدىمىزدا ادىلەتتى قازاقستان قۇرۋ مىندەتى تۇر - پىكىر

ەلىمىزدىڭ الداعى 7 جىلداعى دامۋ باعىتىن حالىقتىڭ ءوزى ايقىندادى.

 قوعام قايراتكەرلەرى پرەزيدەنت قاسىم-جومارت توقايەۆ سايلانعان ساتتەن باستاپ ساياسي رەفورمالاردى دايەكتى تۇردە جۇزەگە اسىرىپ، جۇيەلى تۇردە العا جىلجىپ كەلە جاتقانىن ايتۋدا، دەپ حابارلايدى Almaty-akshamy.kz.

 - پرەزيدەنتتى سايلاۋ – ەل بولاشاعىنىڭ تاڭداۋى، قازاقستان حالقىنىڭ شەشىمى –  وتە قيسىندى ءارى ويلاستىرىلعان قادام، - دەيدى قازاقستان حالقى اسسامبلەياسىنىڭ مۇشەسى رۋستام قايرييەۆ.

 «بۇگىندە ءبىزدىڭ ورتاق بولاشاعىمىزدى قۇرۋ، قازاقستاننىڭ ءال-اۋقاتى تۋرالى ءسوز بوپ جاتقانىن ءبارى بىردەي تۇسىنە بەرمەيدى. الەمدە بولىپ جاتقان بارلىق ساياسي جانە ەكونوميكالىق سىلكىنىستەردى ەسكەرە وتىرىپ، سونداي جاعدايدا ءوزىمىز دە قالماۋ ءۇشىن، ەلىمىزدىڭ ىشكى جاعدايلارىن رەتتەۋ كەرەك. تاڭداۋ جاسالدى، الدا ءبىزدى جارقىن بولاشاق كۇتىپ تۇر دەپ ويلايمىن. ەلىمىزدىڭ الداعى 7 جىلداعى دامۋ باعىتىن حالىق ءوزى ايقىنداپ بەردى. ەندى ءبىزدىڭ الدىمىزدا ادىلەتتى قازاقستاندى قۇرۋ مىندەتى تۇر. بۇگىن ءبىز ءبارىمىز بىرگە بولىپ، ءبىرتۇتاس حالىق بولىپ كۇش سالۋىمىز كەرەك، مەملەكەت باسشىسىنا سول ادىلەتتى قوعامدى، ەكونوميكانى جانە، ارينە، ادىلەتتى مەملەكەتتى قۇرۋعا كومەكتەسۋىمىز كەرەك»، - دەدى رۋستام قايرييەۆ.