الەۋمەتتىك جەلىدە نارازىلىق اكسياسىنىڭ ۆيدەوسى تارادى.
الماتىدا بالاڭدى شەتەلگە وقۋعا تۇسىرەمىن دەگەن ورتالىققا الدانعان اتا-انالار ەرەۋىلگە شىقتى، دەپ حابارلايدى Almaty-akshamy.kz
الماتىدا قالاسىندا ورنالاسقان، شەتەلگە وقۋعا تۇسىرۋمەن اينالىساتىن “Zeyn qoi” ورتالىعىنىڭ الدىنا ءبىر توپ اتا-انا جينالدى.
“ءبىر جىل بۇرىن ۇلىم Zeyn qoi جارناماسىن كورىپ، شەتەلگە تۇسۋگە دايىندالۋ ءۇشىن وسى مەكتەپكە وقۋعا تۇستىك. بانكتەن نەسيە الىپ، بارلىق سومانى ەكى جىلدا تولەدىك، شارتتارى وسىنداي بولدى. ءبىراز ۋاقىتتان كەيىن ۇيىمنىڭ Foundation سەرتيفيكاتى جوق ەكەنىن بىلدىك، ال وندا ساباق بەرەتىن ۇستازدار ۋنيۆەرسيتەتتى ەندى عانا بىتىرگەن قاراپايىم ستۋدەنتتەر، ياعني ۇستازدىق تاجىريبەسى جوق ەكەنى بەلگىلى بولدى. سونىمەن قاتار ءبىر جىل بويى مۇعالىمدەر مەن كۋراتورلار ەكى-ۇش اي سايىن اۋىسىپ وتىردى. بىزگە، اتا-انالارعا بالالاردىڭ وقۋى تۋرالى ەشقانداي مالىمەت بەرىلمەدى”، -دەيدى نارازى اتا-انالاردىڭ ءبىرى ءوز جازباسىندا.
اتا انالار وسىدان 6 اي بۇرىن ورتالىقتىڭ باسشىسى بارلىق ماسەلەلەردى شەشۋگە ۋادە بەرگەنىن ايتادى.