"قازگيدرومەت" رمك سينوپتيكتەرى ەلىمىزدە 2024 جىلدىڭ 12، 13 جانە 14 قىركۇيەگىنە ارنالعان اۋا رايى بولجامىن ۇسىندى، دەپ حابارلايدى aqshamnews.kz.
مەتەورولوگتار ۇسىنعان مالىمەتكە سۇيەنسەك، كەڭ اۋقىمدى انتيسيكلون رەسپۋبليكانىڭ باسىم بولىگىندە ءوز اسەرىن ساقتاي وتىرىپ، اۋا رايىنىڭ جاۋىن-شاشىنسىز بولۋىنا اكەلىپ سوعاتىنىنا قاراماستان، سولتۇستىكتىڭ سالقىن اعىندارىنىڭ ارقاسىندا سۋىق سەزىلەتىن بولادى.
"ناتيجەسىندە اۋا تەمپەراتۋراسىنىڭ تومەندەۋى كۇتىلۋدە"، دەپ جازىلعان "قازگيدرومەت" رمك باسپا ءسوز قىزمەتىنىڭ حابارلاماسىندا.
ال تەك رەسپۋبليكانىڭ شىعىسى مەن وڭتۇستىك-شىعىسىندا اتموسفەرالىق فرونتالدى بولىكتەردىڭ اسەرىنەن جاڭبىر جاۋادى. ماماندار جاۋىن ارتى تۇندە قارعا اينالۋى مۇمكىن ەكەندىگىن العا تارتتى.