باتىستاعى سيكلون شاپشاڭ جىلجىپ كەلەدى.
«قازگيدرومەت» رمك سينوپتيكتەرى قازاقستانداعى 13-15 قاڭتار ارالىعىنا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz
«كەزەكتى انتيسيكلون قازاقستان اۋماعىنان كەتىپ، ايازدى دا ىعىستىرىپ جاتىر»، – دەلىنگەن حابارلامادا.
باتىستاعى سيكلون شاپشاڭ جىلجىپ كەلەدى. ول 15 قاڭتاردا قازاقستاننىڭ بارلىق وبلىسىن قامتىپ، ەلگە جاۋىن مەن قار، ەكپىندى جەل جانە كوكتايعاق الىپ كەلەدى.
«ال تەرمومەتر كورسەتكىشى جوعارى كوتەرىلەدى. ءتىپتى سولتۇستىك وڭىرلەردە دە كۇندىزگى ۋاقىتتا اۋا تەمپەراتۋراسى 0 جانە مينۋس 5 گرادۋس ارالىعىندا بولادى دەپ كۇتىلۋدە»، – دەدى ماماندار.