جىل سوڭىنا دەيىن 4 تەلەارنا ارقىلى 11 تاريحي سەريال كورەمەنگە جول تارتادى
بۇل تۋرالى ق ر اقپارات جانە قوعامدىق دامۋ ءمينيسترى ايدا باليەۆا Kazmedia ورتالىعىندا وتكەن تاريحي سەريالداردىڭ تانىستىرىلىمىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءتۇسىرىلىپ جاتقان سەريالدارعا تاعدىرى ارقاۋ بولعان تۇلعالاردىڭ ءبارىنىڭ دە ارمانى - ەلدى تاۋەلسىزدىككە جەتكىزۋ ەدى. وسى جولدا باستارىن بايگەگە تىكتى. سوندىقتان ۇلت ماقتانىشتارىنىڭ ونەگەلى ءومىر جولىن كورسەتۋ ارقىلى ءبىز جاس ۇرپاقتىڭ رۋحىن كوتەرىپ، تاۋەلسىزدىگىمىزدىڭ قۇنىن ۇعىندىرا الامىز»، - دەدى ۆەدومستۆو باسشىسى.
سونداي-اق، ول مەملەكەتتىك تەلەارنالار ۇسىناتىن كونتەنتتىڭ 30 پايىزى تاريح تاقىرىبىنا ارنالىپ وتىرعانىن ءمالىم ەتتى.
«بۇگىندە تاريحي جوبالار مەملەكەتتىك تەلەارنالار ۇسىناتىن ءونىمنىڭ 30 پايىزىن قۇرايدى. جىل سوڭىنا دەيىن تاريحي باعىتتاعى 11 سەريال كورەرمەن نازارىنا ۇسىنىلادى. اتاپ ايتساق، «دومالاق انا»، «جاڭگىر حان. ساراي سىرى»، «دومالاق انا»، «قانىش. قازىنا»، «تاشەنيەۆ. تايتالاس»، «احمەت. ۇلت ۇستازى» حيكايالارى، «حابار» ارناسىندا «بۇلبۇل ءانشى روزا باعلانوۆا»، «جامبىل جابايەۆ»، «تۇرار رىسقۇلوۆ» سەريالدارى كورسەتىلەدى. بۇلاردىڭ ءبارى كورەرمەن كوڭىلىنەن شىعىپ، جوعارى باعا الادى دەپ سەنەمىن. بۇل تۋىندىلاردىڭ تانىستىرىلىمىن جىلداعىداي جابىق فورماتتا دا وتكىزۋگە بولاتىن ەدى. دەسە دە، تاريحي سەريالداردىڭ ماڭىزىن ەسكەرە وتىرىپ، ارنايى شارا ۇيىمداستىردىق»، - دەپ تۇيىندەدى ايدا بالايەۆا.