مينيستر ارتسپورت باعدارلاماسىنىڭ قالاي جۇمىس ىستەيتىنىن ايتتى
قازاقستاندىق بالالار ارتسپورت باعدارلاماسى اياسىندا سپورتپەن جانە شىعارماشىلىقپەن تەگىن اينالىسىپ جاتىر. الداعى ۋاقىتتا كورسەتىلىپ جاتقان قىزمەتتەردىڭ ساپاسىن ارتتىرىپ، بالالارعا قولايلى جاعداي جاساۋ ماقساتىندا كاسىپكەرلەرگە قويىلاتىن تالاپتارعا وزگەرىستەر ەنگىزىلەدى. بۇل تۋرالى مادەنيەت جانە سپورت ءمينيسترى داۋرەن ابايەۆ ايتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
قازىرگى ۋاقىتتا باعدارلاما پلاتفورماسىن ۇلتتىق ءبىلىم بەرۋ دەرەكتەر بازاسىمەن ينتەگراسيالاۋ جۇمىستارى جۇرگىزىلىپ جاتىر.
«كەيبىر بالالار ۇيىرمەلەر مەن سپورتتىق سەكسيالارعا بارماسا دا، قىزمەت كورسەتۋشىلەردىڭ قۇجاتتارىندا تىركەلىپ تۇرادى، ولار ءوز كەزەگىندە ءار بالا ءۇشىن مەملەكەتتەن اقشا الىپ وتىر. ءارى ساپا ماسەلەسى دە نازاردان تىس قالماۋى كەرەك. بالالار جاتتىعاتىن ورىندارعا قويىلاتىن تالاپتاردى كۇشەيتىپ جاتىرمىز. ول – عيماراتتىڭ سانيتارلىق جاعدايى، ءورت قاۋىپسىزدىگى، بەينەباقىلاۋ كامەرالارى، سپورتتىق جانە باسقا دا قاجەتتى جابدىقتاردىڭ بولۋى. مۇنىڭ بارلىعى بالالاردىڭ ساپالى ءبىلىم الۋى ءۇشىن، قاۋىپسىزدىگى ءۇشىن جاسالادى. سپورت تۇرىنە بايلانىستى جاتتىعۋدى قاي جاستان باستاپ جاساۋعا بولاتىنى دا ناقتىلانادى»، - دەدى داۋرەن ابايەۆ.