ۇكىمەت وتىرىسىندا ق ر پرەمەر-مينيسترى ءاليحان سمايىلوۆتىڭ توراعالىعىمەن سۋ تاسقىنى كەزەڭىنە دايىندىق ماسەلەسى قارالدى.
توتەنشە جاعدايلار ءمينيسترى سىرىم ءشارىپحانوۆ الداعى سۋ تاسقىنى كەزەڭىنە دايىندىقتى الدىن الا باستالعانىن اتاپ ءوتتى، دەپ حابارلايدى Almaty-akshamy.kz ق ر تجم مينيسترلىگىنە سىلتەمە جاساپ.
بۇگىنگى كۇنى سۋ تاسقىنىنا قارسى ءىس-شارالاردىڭ جول كارتاسى اياسىندا 126 ءىس-شارا ورىندالدى، اتاپ ايتقاندا: جاعالاۋدى نىعايتۋ جانە ءتۇبىن تەرەڭدەتۋ جۇمىستارى، نوسەر كارىزدەرى مەن قورعانىس بوگەتتەرىن جوندەۋ جانە سالۋ، سۋ وتكىزۋ قۇبىرلارىن جوندەۋ جانە اۋىستىرۋ جانە ت. ب. ءبىرقاتار وڭىرلەردە قۇرىلىس جۇمىستارى جالعاسۋدا. اقمولا وبلىسىندا ەسىل سۋ رەتتەگىشىن سالۋ بويىنشا جوبالاۋ سمەتالىق قۇجاتتامالارى ازىرلەنۋدە.
«وتكەن جىلعى تالداۋ كورسەتكەندەي، ويپاتتى بولىكتەردە سالىنعان، سونداي-اق سۋ قورعاۋ بەلدەۋلەرىندە جانە وزەن ارنالارىنا جاقىن ورنالاسقان ۇيلەر نەگىزىنەن سۋ استىندا قالدى. قازىرگى ۋاقىتتا عيماراتتاردى سۋ قورعاۋ بەلدەۋلەرىنە ورنالاستىرۋ بارلىق جەردە پروبلەما بولىپ تابىلادى! ناتيجەسىندە، مەملەكەت سۋ تاسقىنىنان زارداپ شەككەن ازاماتتارعا وتەماقى تولەمدەرىن جۇزەگە اسىرادى. وسىعان بايلانىستى، اكىمدىكتەر ءبىرىنشى كەزەكتە، وسى ەلدى مەكەندەردى قورعاۋدى قامتاماسىز ەتۋدى نەمەسە ولاردى كوشىرۋ مۇمكىندىگىن قاراۋدى جانە بۇل ايماقتاردا بولاشاقتا قۇرىلىسقا تىيىم سالۋ قاجەت»، - دەپ سىرىم ءشارىپحانوۆ اتاپ ءوتتى.
قازگيدرومەتتىڭ الدىن الا بولجامىنا سايكەس، ەلىمىزدىڭ كوپتەگەن وڭىرلەرىندە جاۋىن شاشىن مولشەرى نورمادان كوپ توپىراقتىڭ تەرەڭ قاتۋ ىقتيمالدىعىنا كۇتىلۋدە.
وسىعان بايلانىستى تج ءمينيسترى وڭتۇستىك جانە سولتۇستىك وڭىردەردى جوعارى ازىرلىك رەجيمىنە كوشۋگە شاقىردى.
سۋ تاسقىنى جاعدايىنىڭ ىقتيمال اسقىنۋلارىنا جەدەل دەن قويۋ ماقساتىندا 39 مىڭنان استام ادام، شامامەن 11 مىڭ بىرلىك تەحنيكا، 500-دەن استام ءجۇزۋ قۇرالى جانە 3 مىڭنان استام موتوپومپا سانىندا ازاماتتىق قورعاۋدىڭ مەملەكەتتىك جۇيەسىنىڭ كۇشتەر مەن قۇرالداردىڭ ارنايى توپتارى قۇرىلدى.
ازاماتتىق قورعاۋ جۇيەسىنىڭ باسقارۋ ورگاندارىنىڭ، كۇشتەرى مەن قۇرالدارىنىڭ ءىس-قيمىلدارىن تاجىريبەلىك پىسىقتاۋ اقتوبە قالاسىندا باسقارما شتابىمەن «كوكتەم-2024» رەسپۋبليكالىق كوماندالىق-شتابتىق وقۋ-جاتتىعۋ شەڭبەرىندە جۇزەگە اسىرىلاتىن بولادى.
الداعى سۋ تاسقىنى كەزەڭىنە دايىندىق جانە ونى تۇراقتى وتكىزۋ ماقساتىندا تج ءمينيسترى الەۋمەتتىك-ەكونوميكالىق دامۋدىڭ كەشەندى جوسپارلارىندا جانە وڭىرلەردىڭ دامۋ جوسپارلارىندا كوزدەلگەن سۋ تاسقىنىنا قارسى ءىس-شارالاردى ىسكە اسىرۋدى قامتاماسىز ەتۋ قاجەتتىگىن اتاپ ءوتتى.