پاندەمياعا دەيىن مەكتەپ فورماسىن كيۋ مىندەتتى بولدى.
بۇل سۇراققا ق ر ءبىلىم جانە عىلىم ءمينيسترى اسحات ايماعامبەتوۆ جاۋاپ بەردى، دەپ حابارلايدى Almaty-akshamy.kz
جاڭا وقۋ جىلىنىڭ باستالۋى قارساڭىندا مينيستر مەكتەپ فورماسى تۋرالى ءوزىنىڭ فەيسبۋكتەگى پاراقشاسىندا جازدى.
وتكەن جىلى بارلىق جاعدايلاردى ەسكەرە وتىرىپ، ءبىز وقۋشىلارعا مەكتەپكە تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە دە كەلۋگە مۇمكىندىك بەرەتىن شەشىم قابىلدادىق.
مەكتەپ فورماسى الداعى وقۋ جىلىندا مىندەتتى بولا ما؟
مەن ءوزىم اتا-انا رەتىندە دە، ءبىلىم جانە عىلىم ءمينيسترى رەتىندە دە مەكتەپ فورماسىن كيۋدى قولدايمىن.
Cونىمەن قاتار، پەداگوگتەر مەكتەپ فورماسى بالالاردى ءبىر تارتىپپەن تاربيەلەۋگە ۇلەس قوساتىنىن، سول مەكتەپكە باراتىن بالالارمەن بىرلىكتى سەزىنۋگە مۇمكىندىك بەرەتىنىن جانە ەڭ باستىسى، وقۋشىلار اراسىنداعى الەۋمەتتىك ايىرماشىلىقتى ازايتۋعا كومەكتەسەتىنىن ايتادى.
اتا-انالاردىڭ، مۇعالىمدەردىڭ، مەكتەپ اكىمشىلىكتەرىنىڭ، ءبىلىم باسقارماسى باسشىلارىنىڭ پىكىرلەرىن تىڭداپ، كوبىسى مەكتەپ فورماسىن جاقتايدى دەگەن قورىتىندىعا كەلدىم.
ءبىراق مەكتەپ فورماسىن قولداعاندار مەن قارسىلىق بىلدىرگەندەردىڭ پىكىرلەرىن سارالاپ، بارلىق جاعدايلاردى ەسكەرە وتىرىپ، ءبىز وقۋشىلارعا مەكتەپكە تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە دە كەلۋگە مۇمكىندىك بەرەتىن شەشىمدى قابىلدادىق.
بۇل شەشىم تەك عانا كەلەسى وقۋ جىلى ءۇشىن قابىلداندى.
مەكتەپ فورماسىن وندىرۋشىلەردىڭ بۇل تۋرالى باسقا پىكىردە ەكەنىن بىلەمىن. وسىعان بايلانىستى كەيبىر اتا-انالار مەن مەكتەپ فورماسىن وندىرۋشىلەردىڭ پىكىرلەرى ءارتۇرلى بولاتىنىن بىلەمىن.
بۇل شەشىمدى قابىلداعان كەزدە نەنى باسشىلىققا العانىمىزدى تۇسىندىرەيىن.
بىرىنشىدەن، ەپيدەميولوگيالىق جاعدايدى ەسكەردىك. ءقازىر ەلىمىزدىڭ كوپتەگەن ايماقتارىندا كارانتيندىك شەكتەۋ شارالارى كۇشەيگەن. دۇكەندەر بەلگىلى ءبىر ۋاقىتتا، كەيبىر قالالاردا جۇمىس كۇندەرى عانا ىستەيدى. ەگەر اتا-انالار بالالارعا مەكتەپ فورماسىن ساتىپ الۋ ءۇشىن ساۋدا ورتالىقتارى مەن دۇكەندەرگە جاپپاي باراتىن بولسا، وندا ۇزىن-سونار كەزەك بولىپ، Covid-19 جۇقتىرۋ ءقاۋپىن تۋدىرۋى مۇمكىن ەكەنىن بىلەمىز.
ەكىنشىدەن، كەيبىر وتباسىلارداعى ۋاقىتشا ەكونوميكالىق قيىندىقتارعا بايلانىستى مەكتەپ فورماسىن ساتىپ الۋ وتباسىلىق بيۋدجەتكە قوسىمشا جۇكتەمە بولۋى مۇمكىن. سوندىقتان، ەگەر اتا-انالار ءتۇرلى جاعدايلارعا بايلانىستى بالاعا مەكتەپ فورماسىن الا الماسا، وندا ۋاقىتشا، كەلەسى وقۋ جىلىنا دەيىن مەكتەپكە كلاسسيكالىق ستيلدەگى كيىممەن بارۋعا بولادى.
قورىتىندىلاي كەلە، مەكتەپ فورماسىنا قاتىستى قانداي شەشىم قابىلدانسا دا، وسى ماسەلە توڭىرەگىندە پىكىرلەر ءار ءتۇرلى بولاتىنىن تۇسىنەمىن. مەكتەپ فورماسىن جاقتاۋشىلار دا، قارسى بولعاندار دا ءوز پىكىرلەرىن ايتاتىنى بەلگىلى. ءبىراق بۇل ماسەلەدە ءبىز ءۇشىن قالىپتاسقان جاعدايدى وبەكتيۆتى باعالاۋ جانە ىقتيمال تاۋەكەلدەردى قاراستىرۋ ماڭىزدى بولدى.