بۇرقاسىن، قار، كوكتايعاق ەل اۋماعىندا ءالى ءۇش كۇن بويى جالعاسادى، دەپ حابارلايدى aqshamnews.kz.
بۇل تۋرالى «قازگيدرومەت» مالىمدەدى. سينوپتيكتەردىڭ بولجامىنشا، ەلدىڭ سولتۇستىگى مەن شىعىسىندا قار جاۋادى، بۇرقاسىن بولادى. باتىسىندا كوكتايعاق، جاڭبىر مەن قار تۇرىندەگى جاۋىن-شاشىن كۇتىلەدى. قولايسىز اۋا رايى سيكلوندار مەن انتيسيكلونداردىڭ جىلدام وزگەرۋىمەن بايلانىستى دەيدى ماماندار. ءارى بۇعان اتلانت پەن اركتيكادان كەلگەن اۋا ماسسالارى دا سەبەپ بولىپ وتىر.
افروديتا ءپىرىمجار، «قازگيدرومەت» رمك ينجەنەرى:
رەسپۋبليكانىڭ سولتۇستىك جارتىسىندا اۋا تەمپەراتۋراسىنىڭ 15-25-تەن 10-18-گە دەيىن، وڭتۇستىگىندە 10-15-تەن، الماتى وبلىسى مەن جەتىسۋ وبلىسىنىڭ تاۋلى اۋداندارىندا 20-25-تەن 5-13-كە دەيىن، تاۋلى اۋدانداردا 16-21-گە دەيىن اياز بولادى دەپ كۇتىلۋدە. رەسپۋبليكانىڭ باتىسىندا تەمپەراتۋرالىق فوندا كۇرت اۋىتقۋلار كۇتىلمەيدى.