سۋىق انتيسيكلون قازاقستان اۋماعىنىڭ باسىم بولىگىنە ءوز اسەرىن تيگىزەدى.
«قازگيدرومەت» ماماندارى 29 قىركۇيەك-1 قازان كۇندەرى ارالىعىندا اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
سينوپتيكتەردىڭ بولجامى بويىنشا، جاڭا جەر اۋداندارىنان جىلجىعان سۋىق انتيسيكلون قازاقستان اۋماعىنىڭ باسىم بولىگىنە ءوز اسەرىن تيگىزەدى، وسىعان بايلانىستى تۇندە اۋا تەمپەراتۋراسى تومەندەيدى جانە ەلدىڭ سولتۇستىك اۋداندارىندا جاۋىن-شاشىن توقتايدى.
«سولتۇستىك-باتىستان جىلجىعان سيكلونمەن تەك رەسپۋبليكانىڭ باتىسىندا اۋا تەمپەراتۋراسىنىڭ بىرتىندەپ جوعارلاۋنا اكەلەدى. جالپى رەسپۋبليكا بويىنشا: سولتۇستىك جارتىسىندا – تۇمان، جەلدىڭ كۇشەيۋى، ەلدىڭ وڭتۇستىك-باتىسى مەن وڭتۇستىگىندە شاڭدى داۋىل بولادى دەپ كۇتىلىپ وتىر»،- دەلىنگەن «قازگيدرومەت» ماماندارىنىڭ حابارلاماسىندا.
قازاقستاننىڭ سولتۇستىگىندە، شىعىسىندا جانە ورتالىعىندا تۇنگى اۋا تەمپەراتۋراسى 3-10 گرادۋس ايازعا دەيىن، كۇندىز 0-5 گرادۋس جىلىعا دەيىن تومەندەيدى، وڭتۇستىكتە كۇندىز 13-23 گرادۋس جىلى، وڭتۇستىك-شىعىستا 5-13 گرادۋس جىلى، تەك رەسپۋبليكانىڭ باتىسىندا كۇندىز تەرمومەتر باعاندارى 17-30 گرادۋسقا دەيىن جىلىنى كورسەتەدى.