كەي وڭىرلەردە داۋىل جانە ەكپىندى جەل جۇرەدى.
قازاقستاندىق سينوپتيكتەر الداعى كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
«رەسپۋبليكانىڭ باسىم بولىگىنىڭ اۋا رايىنا سيكلون جانە ونىمەن بايلانىستى فرونتالدى بولىمدەر اسەر ەتەتىن بولادى. كەيبىر جەرلەردە تۇراقسىز اۋا رايى كۇتىلۋدە. وسىعان بايلانىستى سولتۇستىك-باتىستا، سولتۇستىكتە، ورتالىقتا جانە شىعىستا قاتتى جاڭبىر، بۇرشاق جاۋىپ، نايزاعاي ويناپ، داۋىل جانە ەكپىندى جەل بولادى»، – دەلىنگەن «قازگيدرومەت» رمك باسپا ءسوز قىزمەتىنىڭ حابارلاماسىندا .
باتىستا اۋا تەمپەراتۋراسى تۇندە +12+22℃، كۇندىز +25+35℃، رەسپۋبليكانىڭ سولتۇستىگىندە، سولتۇستىك-باتىسىندا اۋا تەمپەراتۋراسى تۇندە +7+20℃، كۇندىز تەرمومەترلەر +12+28℃، ەلدىڭ ورتالىعىندا جانە شىعىسىندا اۋا تەمپەراتۋراسى تۇندە +8+20℃، كۇندىز +15+28℃، قازاقستاننىڭ وڭتۇستىك جانە وڭتۇستىك-شىعىسىندا تۇنگى تەمپەراتۋرا +12+23°س، كۇندىز +25+32°س بولادى.