الداعى كۇندەرى اۋا رايى سۋىق بولادى

رەسپۋبليكا بويىنشا جەلدىڭ كۇشەيۋى كۇتىلۋدە.

«قازگيدرومەت» ماماندارى 1-3 جەلتوقسان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz. 

كەزەكتى انتيسيكلوننىڭ جىلجۋىمەن قازاقستان اۋماعىنىڭ باسىم بولىگىندە كۇن سۋاتىدى.

«باتىستا، سولتۇستىك-باتىستا جانە سولتۇستىكتە جاۋىن-شاشىنسىز اۋا رايى كۇتىلەدى. ەلىمىزدىڭ ورتالىعىندا، وڭتۇستىگىندە جانە وڭتۇستىك-شىعىسىندا وڭتۇستىك سيكلوننىڭ شىعۋى ءوز اسەرىن ساقتايدى، سونىمەن بايلانىستى جاۋىن-شاشىن اكەلەدى، نەگىزىنەن قار تۇرىندە، 01 جەلتوقساندا وڭتۇستىك پەن وڭتۇستىك-شىعىستىڭ تاۋلى ايماقتارىندا، 02 جەلتوقساندا اتموسفەرالىق فرونتتاردىڭ وتۋىمەن شىعىستا قاتتى قار كۇتىلەدى»، - دەلىنگەن سينوپتيكتەردىڭ حابارلاماسىندا. 

رەسپۋبليكا بويىنشا جەلدىڭ كۇشەيۋى كۇتىلۋدە، وڭتۇستىك، وڭتۇستىك-شىعىستا – تۇمان، كوكتايعاق؛ شىعىس جانە ورتالىقتا – بوران.

«اۋا تەمپەراتۋراسى تۇندە ەلىمىزدىڭ باتىسىندا 2-16 ايازدان 5-18 ايازعا دەيىن، سولتۇستىك-باتىستا 7-27 ايازدان 14-30 ايازعاي دەيىن، سولتۇستىك وڭىرلەردە 15-28 ايازدان 22-32 ايازعا دەيىن، ورتالىقتا 5-20 ايازدان 13-30 ايازعا دەيىن، رەسپۋبليكانىڭ شىعىسىندا 15-35 ايازدان 22-37 ايازعا دەيىن، وڭتۇستىكتە 3-12 ايازدان 8-17 ايازعا دەيىن، وڭتۇستىك-شىعىستا 1-20 ايازدان 8-28 ايازعا دەيىن تومەندەۋى كۇتىلەدى»، - دەپ بولجادى ماماندار.