ەلدىڭ شىعىسى مەن وڭتۇستىك-شىعىسىندا +40+43°س اپتاپ ىستىق ساقتالادى.
قازگيدرومەت 27-29 ماۋسىمعا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
سينوپتيكتەردىڭ بولجامىنشا، الداعى كۇندەرى قازاقستان اۋماعىنىڭ باسىم بولىگىنە اۋقىمدى سيكلون اسەر ەتەدى. سونىڭ سالدارىنان باتىس جانە سولتۇستىك-باتىس وبلىستاردا نايزاعايمەن بىرگە قاتتى جاڭبىر، بۇرشاق جاۋىپ، ەكپىندى جەل سوعادى.
27 ماۋسىمدا وڭتۇستىك-باتىستا، 27-29 ماۋسىمدا سولتۇستىك-باتىستا، 28-29 ماۋسىمدا رەسپۋبليكانىڭ باتىسى مەن سولتۇستىگىندە قاتتى جاڭبىر جاۋادى. ەلىمىزدىڭ شىعىسى مەن سولتۇستىك-شىعىسىندا اۋا رايى نەگىزىنەن جاۋىن-شاشىنسىز بولادى دەپ بولجانىپ وتىر.
27 ماۋسىمدا رەسپۋبليكانىڭ سولتۇستىك-باتىسىندا، 28-29 ماۋسىمدا وڭتۇستىگىندە، 29 ماۋسىمدا سولتۇستىك بولىگى مەن ورتالىقتا اپتاپ ىستىق تومەندەيدى. ەلدىڭ شىعىسى مەن وڭتۇستىك-شىعىسىندا +40+43°س اپتاپ ىستىق ساقتالادى.