الداعى كۇندەرگە ارنالعان اۋا رايى بولجامى

تۇندە سالقىن، ال كۇندىزگى تەمپەراتۋرا ىڭعايلى بولادى دەپ كۇتىلەدى.

«قازگيدرومەت» ماماندارى شىلدەنىڭ 27-29 ارالىعىندا قانداي اۋا رايى بولاتىنىن بولجادى، دەپ حابارلايدى اlmaty-akshamy.kz.

 «اپتانىڭ باسىندا ماسكەۋ اۋداندارىنان كەلەتىن انتيسيكلون ەلدىڭ كوپ بولىگىنە اسەر ەتەدى. وسىعان بايلانىستى سالقىن اۋا ماسسالارى جىلۋدىڭ تومەندەۋىنە اكەلەدى جانە قاتار نەگىزىنەن جاۋىن-شاشىنسىز اۋا رايى كۇتىلەدى. تۇندە سالقىن، ال كۇندىزگى تەمپەراتۋرا ىڭعايلى بولادى دەپ كۇتىلەدى. ال رەسپۋبليكا اۋماعىنداعى اۋا رايىن تومەن قىسىمدى الاڭ انىقتايتىن بولادى. سولايشا، 28 شىلدەدە باتىس پەن شىعىسقا، 28-29 شىلدەدە قازاقستاننىڭ سولتۇستىگىنە، سولتۇستىك-باتىسىنا جانە وڭتۇستىك جارتىسىنا، 29 شىلدەدە ورتالىققا، كۇن كۇركىرەپ، ەكپىندى جەل سوعىپ، وتكىنشى جاڭبىر، سونداي-اق بۇرشاق جاۋادى دەپ بولجانۋدا»، – دەلىنگەن سينوپتيكتەردىڭ حابارلاماسىندا.

قازاقستاننىڭ سولتۇستىك-باتىسى مەن سولتۇستىگىندە اۋا تەمپەراتۋراسىنىڭ تومەندەۋى تۇندە 8-16، ال كۇندىز 17-30 گرادۋسقا دەيىن جەتەدى. ورتالىقتا جانە شىعىستا تۇندە 8-18 دەيىن جىلى، كۇندىز 22-30 دەيىن ىستىق بولادى.