الداعى جىلى ۇلتتىڭ رۋحىن كوتەرەتىن ماڭىزدى ءىس-شارالار وتەدى.
بۇل تۋرالى پرەزيدەنت ق.توقايەۆ ءوز قۇتتىقتاۋىندا ايتتى دەپ حابارلايدى اlmaty-akshamy.kz اقورداعا سىلتەمە جاساپ.
«ءبىز كەلە جاتقان جاڭا جىلدان زور ءۇمىت كۇتەمىز. بارشاڭىزعا ءمالىم، الەمدەگى احۋال اسا كۇردەلى. سوعان قاراماستان، كەلەسى جىل ەلىمىز ءۇشىن جەمىستى جىل بولادى دەپ سەنەمىز. الدىمىزدا اۋقىمدى جۇمىس تۇر، كوپتەگەن جوسپارىمىزدى جۇزەگە اسىرۋىمىز كەرەك. نەگىزگى ماقسات – مەملەكەتىمىزدى نىعايتۋ جانە حالقىمىزدىڭ ءال-اۋقاتىن ارتتىرۋ. مەن پرەزيدەنت رەتىندە وسى ماقساتتارعا جەتۋ ءۇشىن بارلىق كۇش-جىگەرىمدى سالامىن. الداعى جىلى ۇلتتىڭ رۋحىن كوتەرەتىن ماڭىزدى ءىس-شارالار وتەدى. ءبىز ءبىر ەل بولىپ، ءبىر حالىق بولىپ، بىرلەسە ەڭبەك ەتىپ، جاڭا جىلدا جاڭا تابىسقا جەتەمىز. مەن بۇعان كامىل سەنەمىن»، - دەدى ق ر پرەزيدەنتى.