ونىڭ تەحنيكالىق باعىتتاعى 2 وقۋ ورنى ەلدىڭ باتىس وڭىرىنە تيەسىلى
مەملەكەت باسشىسى قاسىم-جومارت توقايەۆ قازاقستان وڭىرلەرىنە ۇزدىك پەداگوگتەر تارتۋدى جانە جاستاردى جۇمىسپەن قامتۋدى كوزدەيتىن گرانتتار ءبولۋدى تاپسىرعان ەدى. بۇعان ورالدىق عالىمدار قۋانىپ وتىر، دەپ حابارلايدى Almaty-akshamy.kz
«سەبەبى قازاقستاندا گۋمانيتارلىق باعىتتاعى مامانداردىڭ كوپتىگى سەزىلەدى»، – دەيدى ولار.
«مۇمكىن قاجەت تە بولار، ءبىراق كوپ جىلدان بەرى بىزدە گۋمانيتاريا باسىمداۋ بولىپ كەتتى. پرەزيدەنت ايتتى عوي، بىزدە اتومدىق ونەركاسىپتى، سۋتەگى ءوندىرىسىن يگەرۋ كەرەك. ەلەكتر قۋاتى، بالامالى ەنەرگەتيكا بار، ءبىراق ەلەكتريك ماماندارى جەتىسپەيدى»، - دەيدى يننوۆاسيالىق جانە تەلەكوممۋنيكاسيالىق جۇيەلەر ۋنيۆەرسيتەتىنىڭ قۇرىلتايشىسى اقسەرىك ءايتىموۆ.
ورالداعى اگروتەحنيكالىق ۋنيۆەرسيتەت شەتەلدىك وقۋ ءبىلىم ورداسى فيليالىنا بازا بەرۋگە دايىن. بۇل سۇرانىسقا يە كادرلاردى دايارلاۋعا مۇمكىندىك بەرەدى دەپ ەسەپتەيدى ۋنيۆەرسيتەت رەكتورى.
«سوندىقتان شەتەلدىڭ ۋنيۆەرسيتەتتەرىن بىزگە تارتىپ، ەڭ جاقسىلارىن، سونىڭ ىشىندە باتىس وڭىرىنە دەگەن ەكەۋىن، جاڭا تەحنولوگياسىمەن بىرگە وسى ۋنيۆەرسيتەتتەرگە شوعىرلاندىرىپ، تۋرا سول ءبىلىمدى سول جەردە بەرە الاتىنداي بولسا ەكەن. سەبەبى ستۋدەنتتەردى شەتەلگە جىبەرگەنشە، ولاردىڭ ماماندارىن وسىندا شاقىرعان جەڭىل»، - دەيدى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ رەكتورى اسقار نامەتوۆ.
ءبىلىم ساپاسىن كوتەرۋ، جاستار اراسىندا جۇمىسسىزدىقتى جويۋ، ولاردىڭ ىسكەرلىك باعىتتاعى ۇسىنىستارىن قولداۋ ۇكىمەت الدىنداعى باسىم مىندەتتەر بولماق.