ءماجىلىس سپيكەرى ەرلان قوشانوۆتىڭ توراعالىعىمەن بيۋرو وتىرىسى ءوتىپ، الداعى جالپى وتىرىستىڭ كۇن ءتارتىبى ناقتىلاندى، دەپ حابارلايدى aqshamnews.kz
ءماجىلىس ءبىرىنشى وقىلىمدا «پوشتا تۋرالى» زاڭعا ەنگىزىلەتىن وزگەرىستەر مەن تولىقتىرۋلاردى قارايدى. تۇزەتۋلەر پوشتا بايلانىسى نارىعىن دامىتۋعا، پوشتا جونەلتىلىمدەرىن جەتكىزۋ مەحانيزمدەرىن جەڭىلدەتۋگە جانە جەتىلدىرۋگە، پوشتوماتتاردى ورنالاستىرۋ ءتارتىبىن ناقتىلاۋ مەن پوشتا سالاسىنداعى ۋاكىلەتتى ورگاننىڭ قىزمەتىن جەتىلدىرۋگە باعىتتالعان. سونىمەن قاتار دەپۋتاتتار «مادەنيەت تۋرالى» زاڭعا وزگەرىستەر ەنگىزۋ جونىندەگى تاعى ءبىر زاڭ جوباسىن تالقىلايدى.
قۇجاتقا جاستاردىڭ عىلىمي جانە ءبىلىم بەرۋ الەۋەتىن ىنتالاندىرۋعا باعىتتالعان نورمالار، جەتىم بالالار مەن اتا-اناسىنىڭ قامقورلىعىنسىز قالعان بالالارعا تالىمگەرلىك ينستيتۋتىن رەتتەۋ ماسەلەلەرى ەنگىزىلگەن. كۇن ءتارتىبىنىڭ جوباسىندا ديپلوماتيالىق قىزمەت ماسەلەلەرى جونىندەگى زاڭ جوبالارى، سونداي-اق ەاەو مەن وعان مۇشە مەملەكەتتەر اراسىنداعى يرانمەن جانە سينگاپۋرمەن ەركىن ساۋدا تۋرالى كەلىسىمدەردى راتيفيكاسيالاۋ تۋرالى زاڭ جوبالارى بار. ەكىنشى وقىلىمدا اكىمشىلىك قۇقىق بۇزۋشىلىق تۋرالى كودەكسكە وزگەرىستەر مەن تولىقتىرۋلاردى، سونداي-اق كەيبىر زاڭنامالىق اكتىلەردى كونستيتۋسيا نورمالارىنا سايكەستەندىرۋ ماسەلەلەرى بويىنشا تۇزەتۋلەردى تالقىلاۋ ۇسىنىلادى.